|
اقتباس:
انتي اسمعي الكلام هالمره وجربي شهرين العلاج واذا ما حسيتي انك افضل اتركيه صدقيني بيفرق معك كثير وتتحسن ..والعلاج فترة مؤقته وبتتركيه احسبي من بكره شهرين خذي فافرين او سيبراليكس |
اقتباس:
|
طيب عادي اخذهن بدون وصفه طبيه وكيف اذا بترك العلاج لازم بالتدريج؟
|
اقتباس:
معروف وآمن ومافيه اي مشكله طبعا اللي وقت الحمل ما اقدر احكم عليه بدايته جرعة50 لمدة اسبوع او عشر ايام وبعد كذا ترفعي الجرعة الى100 استمري ع العلاج لو سنه مو مشكله نهائي بعد شهرين بتلاحظي تحسن كبير طبعا لازم تاخذيه بنتظام وكل يوم بنفس الوقت طبعا مو لازم نفس الساعه يعني ساعه قبل ساعه بعد ماتفرق واذا يوم نسيتي او نمتي عادي لو تذكريه خذيه بس اهم شي مايكون باقي عن الجرعه الثانيه اقل من 12 ساعه طبعا ماياثر لكن افضل .. طبعا جرعة الفافرين ممكن توصل الى300 عادي لكن في حالات تكون اكتئاب حاد وقلق انتي جرعة100 مناسبه لكي .. اذا فكرتي تتركيه طبعا قبل شهر عادي مو لازم تدريج اما بعد مده طويله يترك بالتدريج: تخفض الجرعه تصير يوم100 ويوم50 لمده اسبوعين وبعد كذا جرعة50 لمدة شهر وبعد كذا شهر يوم ويوم جرعة50 وبعد كذا لمدة شهر يومين ويوم وبعدين بالاسبوع مرتين لمدة شهر وبعدين يترك نهائي.. شوفي سحب الدواء ببطئ بعد الشفاء مهم جدا جدا في اطباء يوقفه بشهر او شهر ونص لكن احس ان كذا مو صح طالما الدواء آمن على شان ما تحصل انتكاسه والفافرين قد ماتقدري استمري عليه دواء ممتاز .. وميزته مايرفع انزيمات الكبد مثل بعض الادويه جدا آمن .. |
حمستني للعلاج لكن والله مادري كيف اقنع زوجي هو خلاص مدام اني قايمه بالبيت واهتم بالاطفال واضحك واسولف عادي معناه اني طبيعيه ومافيني شي وانا ماني من النوع اللحوح يعني لو طلبت مره مرتين وانرفض طلبي اكره الشي اللي اطلبه بستخير وان شاء الله يتيسر موضوع العلاج
|
لكن فيه شعور من زمان نفسي اسال عنه اللي هو لما تكون مسافر تحس انك تركت روحك في المكان اللي كنت فيه يعني تحس انك فاقد شي او روحك لازالت متعلقه بالمكان ماعرف كيف اشرح هالحاله بس اكيد انك فهمت علي
هالاحساس كان يجيني في بداية الحاله وهالفتره راجع |
اقتباس:
|
اقتباس:
ولما تتركي البيت تحسي كانك فقدتي شي وتحسي مثل الفراغ بداخلك وكانك فقدتي جزء من الامان .. لانك متعوده على حالتك بمكان معين وتحسي انك داخل البيت مسيطره على حالتك لكن لو خرجتي تحسي انك ما تقدري تسيطري عليها.. لانك عايش بطقوس معينه مع الحاله.. بمعني بعض المرات تجيكي اعراض تخليكي تروحي ترمي نفسك ع السرير وتحسي بالارتياح وبعض المرات تحسي بالارتياح لو رحتي مثلا جلستي بالصاله ع حسب مو متعوده لك عرض معك.. طبعا لما تسافري تفقدي كل هذا وتحسي انك ضايعه وفاقده روحك ... هذا الشي كنت احس فيه مدري نفس اللي تقصديه ولا لا وع فكره هذا يعتبر قلق وهلع داخلي |
والله مادري كانك قربت من الوصف انا احس روحي ماسافرت معي او باقي شي انا خليته وراي وهالاحساس بس لما اكون بالطريق لكن لما اوصل واجلس فتره يروح هالاحساس
وفعلا ممكن مثل ماقلت اني تعودت على حالتي بالبيت لان هالاحساس يجيني لما اسافر من بيتي لكن مثلا لما اجلس يومين بفندق وارجع ماحس بهالاحساس |
هالايام يجيني افكار تخوف مثل اني راح اصاب بالفصام او الجنون او اني راح اشوف واسمع اشياء غيري مايشوفها ولا يسمعها مثل مرضى الفصامماكانت تجيك هالافكار
|
اقتباس:
لدرجه بعض المرات اسمع صوت اقول مدري هذا حقيقي ولا صار عندي فصام مثل صوت قفلت باب او شي من بعيد يكون الصوت جاي .. بعض المرات مثلا زوجتي تكون بالمطبخ تنادي بنتي يكون الصوت مو واضح اسئلها اقولها ناديتي تقول ايوا طبعا اسئلها بدون ما احسسها بشي.. لكن الخوف هذا اخذ فتره واختفي |
انا ماحسه مسيطر علي لكن يجي فترات لكن اخاف اتعمق فيه ويصير معي حقيقي
من جد شعور متعب الله يعين |
اقتباس:
( يصير معي حقيقي) هذا وسواس لا اكثر ولا اقل الوسواس يلعب بالواحد ويخليه كل شوي بحال مايتركه يدخله مره يحسسه انه مو طبيعي او انه بيصير مو طبيعي او يصير معه فصام او يتجنن لو الحاله تسوي شي كان صار فيني والله يا اني دخلت بدوامه يؤؤؤ شي مجنون.. الحين كل شي تغير احساسي بنفسي وبالدنيا اصوات الاشياء تغيرت كل شي رجع طبيعي سبحان الله وكان كل اللي معي قلق حاد سبب اختلال الانيه وتبدد واقع |
طيب ايش المشكله بعلاجي الاول ليش ماطلعني من الحاله ورجعت طبيعيه 100%ليش وقفني عند حد معين ليش سيطر على الهلع وخفف من الافكار وقدرت اطلع من اختلال الانيه وخصوصا احساسي بنفسي بعد ماكنت فاقدته تماما لكن ولا مره حسيت اني رجعت طبيعيه مع اني احس بالفرح واحس ان الفرح اللي احس فيه كان من مضادات الاكتئاب لان من تركتها ماصار يفرحني شي بعد العلاج خلاني اصير جريئه حبتين وصرت اختلط بالناس بعد ماكانت علاقتي محصوره باهلي واهل زوجي والاقارب المقربين صرت اقابل الناس عادي حتى لو اول مره واندمج معهم مع ان قبل اخذ العلاج لما اتعرف على احد كان بعد فتره يصارحني انه ارتاح لي واني ادخل القلب مع اني كنت خجوله قبل العلاج وارتبك اول ما اقابل احد غريب
مدري وين المشكله هل مدة العلاج ماكانت كافيه مع اني مثل ماقلت احس العلاج وصلني لحد معين ووقف ماصرت احس بتقدم ومع هذا كملت الكورس والحين خايفه اخذ علاج تتكرر نفس السالفه يوصلني عند حد معين وماينهي الحاله تماما |
معليش اخوي احمد تحملني ادري كتبت واجد وشكيت واجد لكن احس اني جالسه افضفض وكل ماكتبت شي ارتاح
|
| الساعة الآن 02:24 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا