ما نوع هذا الرهاب ؟ وما علاجة المناسب
 

الرهبه من مناسبات الاماكن العامه مثل معرض الكتاب والايفنتات ما اقدر اروح لها ، اي محل جديد مثل سوبر ماركت كبير يكون فيه ناس كثير ، ياتيني حالة غريبه و احساس ان عيني تدمع وان الجميع ينظر لي

الرهبه من الذهاب الى اي مكان كبير ويكون فيه تجمع ناس مثل ايكيا وغيرها بمفردي، الرهبه من العزائم و المناسبات الكبيره


مع بعض الناس اواجه مشكله اذا كان بيننا شغل او لقاء او مواجهه يجيني ضغط نفسي - وهو يتكلم معي احس ان الدنيا على راسي واحاول اخلص الموضوع باسرع وقت عشان انصرف ، واذا رحت من عنده ارجع اللوم نفسي ليه سويت كذا.


ما هذا النوع وما تقييمكم لحالتي و ماهو العلاج المناسب .

رهاب اجتماعي افضل علاج سيروكسات او لوسترال

هذا رهاب الساحه اسمه

سيروكسات يقولون انه يجيب الخمول وان عملي ٩ سات باليوم ويحتاج جهد


لوسترال اذا عندك معلومات او تجربه ياليت تذكره لي


و هل لديك معلومات عن زولفات ؟

انا غير منعزل وامارس حياتي بشكل طبيعي لكن مع القروبات الصغيره لا يوجد لدي مشكله . فقط في التجمعات الكبيره او المكان الجديد

كيف حالكم اليوم ؟

نصيحة لك من مجرب الأدوية النفسية فعاليتها للرهاب والخوف ضعيفة إلى متوسطة أو أقل من متوسط في بعض الأحيان

الأودية النفسية في الغالب للأكتئاب الحاد وتعمل على زيادة السيروتونين في المخ وتخليك إنسان آخر لكن بعد ترك الدواء فجأة تحصل الكارثة العظمى الغير متوقعة وهي بما يسمى اعراض الإنسحاب اللي اكتويت فيها شهور..

وللأسف المرض كما هو ماتغير شي لا احبطك ولكن هذي حقيقة الأدوية النفسية تحسن مزاجك وترفع هرمون السعادة بشكل مؤقت وكل دوا له فترة وينتهي مفعوله السحري ويصبح دواء عديم الفائدة.

انا افكر استخدامها بشكل متقطع لرفع مستوى العلاقات الاجتماعية ثم التوقف عنها ٣ شهور او ٤ اشهر وبحيث انه او لاثار الانسحابيه تكون تحت السيطره

لا ادوية .. اذا ما عندك مشكلة في القروبات الصغيرة. . فهي مسالة طبيعية ..
مستغرب للي يفتي بالادوية !!!
انت علاجك سلوكي فقط .. مش هذا مثل واحد يحاضر في مسرح ويخاف ؟

اسال الله ان يشفيك ويشفيني, حالتك مشابهه لحالتي

لي تجربه مع سيروكسات ولوسترال السيروكسات اعتبره رقم واحد للرهاب والفوبيا بشرط يشتغل مفعوله ومايجيب خمول ابد بالبدايه بس اسبوع ويختفي الخمول اما لوسترال ماقدر اوصفه علاج ممتاز بمعنى الكلمه للرهاب والوساوس والهلع بس عيبه انه بطىء مفعوله مايشتغل يبي له تقريباً شهرين إلى ثلاثة شهور بعدين يبدا عمل الدواء بعلاج المرض انا انصحك تاخذ لوسترال الي هو زولوفت وتبدا بجرعة ٥٠ مل لمدة أسبوع وبعدين ارفع الجرعه الى ١٠٠ مل لمدة أسبوع وبعدين ارفع الجرعه الى ١٥٠ لمدة أسبوع وبعدين ارفع الجرعه الى ٢٠٠ مل واستمر عليها لمدة ستة شهور وقيم نفسك اذا تعافيت ابدأ بسحب اللوسترال بالتدريج خفض الجرعه حتى توقف عن اللوسترال

العلاج السلوكي مهم مع الادوية، انصحك باللوسترال للرهاب كويس بشكل عام والفافرين برضو مناسب جدا للرهاب اهم شي تجلس فترة على الدواء عشان يبين معاك