|
حابه اساعد من خلال تجربتي البسيطه ..واطمع بدعوه في ظهر الغيب
السلام عليكم ورحمة الله وبركاته
انا عضوة جديدة دخلت استفيد وافيد باذن الله
لي سنه مصابه بالهلع .... قبل كم يوم اكتشفت انه هلع عن طريق هالمنتدى اتوقع سبب تاخر علاجي بعد قضاء الله هو عدم معرفتي بالمرض وهالشي سبب لي الخوف
والتفكير اللي يزيدون من حالة الهلع
اتبعت خطوات بتوفيق من الله وكانت سبب بعد الله في التخلص من 70% من اعراض الهلع مثل الدوخه عدم الاتزان الخمول الافكار الغريبه الغثيان الآم عامه في الجسم
تخلصت منها دون معرفتي بالمرض
اول شي الرقيه الشرعيه وسجلت بمنتدى ساعدوني في الخطوات المناسبه من تحصين للبيت والنفس وظهرت علي علامات كثيره
ثانيا سمعت ان الخوف الفجأه يسبب هبوط المعده ومشاكل كثيره هي السبب في زيادة التنمل والخمول الغثيان
ضروري هالعلاج لانه سبب بعد الله في فتح الشهيه بالتالي تتغذى زين ومنها تتقوى لان الجسم يضعف ويدمر بدون غذاء
رحت لمرأه كبيره خبيره في الطب الشعبي وسوت لي كاسات الهوا عن طريق دهن الجسم بزيت ثم وضع شمعه وعليها كاس واحجام الكاسات مختلفه فايدة هالطريقه
رفع البطن وسحب الهواء ...اول جلسه كانت مره متعبه لان جسمي طلع مليان هواء تعذبت وكررت الطريقه ثلاث ايام ورى بعض في البطن والرحم والظهر والاكتاف.. لما ضغطت على البطن قالت انت جاك شي موهين ماشاء الله عليها قالت انت حزنتي على موضوع او احد صدمك وخوفك >> شخصت انها بسبب نفسي وانا اللي ناطه من دكتور للثاني بدون فايده
واعطتني رشاد نصف ملعقه مع ماي على الريق ..طبعا ماشاء الله استفدت كثيييير انفتحت الشهيه وبديت تدريجيا استرد عافيتي بعد الجلسه الثالثه حسيت جسمي تغير وقدرت اتنفس عادي بدون مجهود او كانه شي كابت على الصدر ..مااخفيكم كررت الموضوع بعد شهر والم الكاسات خف كثير
قالت لازم اعشاب تنظف المعده والقولون وكانت عندها خلطة خاصه من مكوناتها اللبان والصبر الحضرمي وغيره اشرب منه فنجان العصر ثلاث ايام
نظفت الجسم وتخلصت من البلاوي اللي تتعب القولون اللي بسببه فيه غازات تزيد الضغط على المعده والقلب فبالتالي يختل التنفس ونتعب زياده >> علما اني مااشتكي من القولون
ثالثا الحجامه ثم الحجامه خاصة اليافوخ والاخدعين وراس المعده تكرر ثلاث شهور ورى بعض لكن قبلها بايام تعتمد رقيه مكثفه
اهم الاغذيه ( ماي زمزم --عسل السمر اقروا عن فوائده -- تمر العجوه --الفواكه والخضار لكن ابتعدوا عن الحمضيات والفلفل واي شي تحسونه يتعب القولون --
جا رمضان وانا لي شهرين مع هالعلاجات وخفيت بنسبة 50 % استعنت بالله وختمت القران مرتين وداومت على الذكر والدعاء طبعا قبل ماكنت اقدر لكن بسبب الخطط اللي اتبعتها قدرت بعد مشيئة الله
تفاجأت برمضان ماشاء الله راح الهلع ! وصرت اطلع بالليل واستانس وماشيل هم السياره واكل اللي ابيه ردت لي الحياة ....لكن
بسبب عدم معرفتي للمرض وانه هلع صار موضوع يخص اهلي وحزنت عليهم وجلست يوم كامل افكر وماجاني نوم ..والصدمه رجعت لي الحاله وانا كنت في مرحلة الوصول للشفاء التام
الحمدلله رضيت بقضاء الله وقدره ...المهم انها عادت لكن ضعيفه واقدر اسيطر عليها ليش لان جسمي ماشاء الله تقوى من ناحية العبادة والذكر ومتابعة الرقيه ثانيا الغذاااااااااء
والآن بعد ماعرفت المرض وقرات اهم العلاجات باذن الله رح اتابع الرقيه المكثفه اللي هي ختم القران في اسبوع ابتعد عن مصادر القلق اغصب نفسي اطنش و اطلع في المساء وان شاء الله اتخلص منها نهائيا
كتب موضوعي يمكن من خلاله افيد الناس اللي يعانون من الدوخه وعدم الاتزان والغثيان والخمول .........
|