شريان القلب

بيانات اضافيه [ + ]

رقم العضوية : 37091  تاريخ التسجيل :  01 2012  أخر زيارة : 06-01-2022 (08:29 PM)  المشاركات : 124 [ + ]  التقييم :  10

لوني المفضل : Cadetblue

السلام عليكم اخت بنت علي شكرا على ردك انا والله في مشكلة شعوري وبصدق هاي الاوهام بس كلامك والله بريح شوي يعني بتشجعيني اتخلص من هاي الاوهام
انا حااب اكتبلك عن البراسي بصراحة تامه بس على فكرة الافكار البراسي بتروح وبترجع من لحظة للحظة
انا احيانا بحس حالي شيء مهم مثل ما حكيتلك انو الاصوات البراسي او الافكار البراسي بتصدع راسي بس انا مش مستسلم بس تارك هاي الافكار بدي اطلعها من راسي
بدي افضفض بس والله بصراحة خايف يكون حدى شايف شو بكتب ..
يعني امس كنت بشاهد على التلفاز بحضر مسلسل بتعرفي اني صرت اربط كلامهم بافكاري اعتقد اني شيء مهم مع انه مسلسل فكرتهم بحكو عني انا والله بصراحة
ما بدي تزيد معي الامور انا داخليا بشعر بتحسن من قبل اسبوعين يعني من اول ما كتبت مشكلتي بتحسن شوي بس خايف من شيء عملي قلق
خاصه بعلاقتي مع زوجتي ما بدي ادمر حياتي خاصه بالامور الخاصه جدا وانتي فاهمه مع اني حاولت احل هاي المشكلة وان شاء الله تنحل في اقرب وقت
شوفي علي انا البفكر فيه حاليا مش هاممني مش هالهلاوس غير فكرة انو الناس بشوفوني وبمسعوا افكاري بس انا تحسنت من هاي الناحية على الاقل
شوي مش كثير يعني ما بعرف افكر اوقات ولا اتخيل افكاري بتجمد وبصير اتكلم مع نفسي خاصه لما اكون بالسيارة لاني بشعر انو الناس شايفني على الاقمار
بس انا خفيت على الاقل بالبيت صرت احس بالامان بدي اشعر بالامان اعبر عن افكاري
صدقيني انا في حالة اني شيء مهم بس بطرد هاي الافكار من راسي .. وصدقيني انا لو فكرت اني شيء مهم انا ما بدي شيء بدي اعيش طبيعي اتخلص من هاي الافكار
انتي حكيتي انو ما استسلم للاوهام كلامك صح انا معاكي بحاول دايما ما استسلم للاوهام البتصير معي
نفسي اعيش بهدوء واشعر براحه مع افكاري
انا يمكن اراجع معالج سلوكي مستشار في اقرب وقت يمكن اتخلص من هاي الفكرة خاصة فكرة الاقمار الصناعية
بصراحه يا بنت علي انا بدي اعيش انسان طبيعي واشتغل واتعب بشغلي واحسن من راتبي واطور من حالي واقوي شخصيتي وثقتي بنفسي الي بنيتها على الاوهام
هذا واقعي انا بعرف
يمكن اذا كان صح الاوهام العايش فيها انا عندي مرض نفسي واذا كانت اوهام فعلا مش صحيحه بكون مريض بالذهان
انا مضايق من التفاصيل صدقيني لو اتخلص من التفاصيل برتاح حتى مع علاقتي بالبيت مع زوجتي واهلي ومع افكاري
هاي التفاصيل هي هلاوس العندي انا لو ما بدقق كان انا مرتاح بحياتي يمكن شخصيتي بتتغير مع اني ما كان عندي هلاوس قبل سنتين مثل هيك ما كنت افكر اني شيء مهم نهائيا انا حكيتلك عن امور بالماضي بصراحة انا هنا بشعر بالامان شوي عشان هيك بكتبلك ما بعرف كيف صارت افكاري تتغير واصدق هاي الاوهام واعيش فيها واامن فيها
انا انسان مش متميز بصراحة بالعكس انا اقل من اي شخص ما عندي مقومات او ميزات غير اني موظف في قناة كل يوم بفكر بطريقة اطلع من القناة يمكن اطلع من الانا فيه
وخايف ضل معي هاي الافكار حتى لو تركت العمل واشوف عمل ثاني ..
ان شاء الله بكمل بعدين