المشاركة الأصلية كتبت بواسطة ضناني الشووووق

السلام عليكم ورحمه الله وبركاته
في البدايه اسال الله العظيم رب العرش العظيم ان يشفيك
بختصار حالك كلها في الافكار
الفكره الي اجيك قبل اي مشوار تروح له هي الي تعزز الخوف عندك والنوبات
غير الفكره تتغير حياتك
انا اقكاري قعدتني ست شهور في البيت وانا متزوج وعندي ابناء تخيل ست شهور في البيت ولا اخرج الا معاي احد
الدوام ما داومت ونفس اعراضك بضبط
بعدين قلت ستووووب لي متي علي الوضع هذا وبديت امارس حياتي بشكل تدريجي
بدايه بسياره قمت اطلع مشاوير قريبه وكل مره ازيد المسافه لين تقلبت عليها
ثاني شي الدوام
ثالث شي السفر بسياره لدرجه انا من الكويت قمت من النوم الصبح وكان بيني وبين النفس تحدي ورحت رياض يوم ورديت
ما اقولك كان الوضع طبيعي بالعكس كان في قلق وتوتر وخوف بطريق بس المهم اني كسبت التحدي
رايع شي الصلاة في المسجد واختلاط بناس قاعد اقاومه حاليا
خامس شي السفر بطياره والحمد سافرت وانا الان في اوروبا مع العلم من يعد نوبات الهلع يعني من سنه ونص وانا الطياره مرعوب منها ولا سافرت
ويوم جات سفرتي الي اوروبا قبل لا اروح المطار تجمع كل الافكار السلبيه فوق راسي. ورحت المطار وانا متوتر
وخلصت الاجرائات وانا متوتر وفقت قدام باب الطياره وانا في توتر وخوف
بس من حركت الطياره قلت في نفسي لن يصيبنا الا ما كتب الله لنا والحين انا بطياره معاد في تراجع عن الرحله
والحمد الله مرت ست ساعات وانا عادي جدا انشغلت في اليرامج من افلام من مقاطع والحمد الله كانت رحله ممتعه
ولا صار اي شي من الافكار الي دارت وياي قبل المطار واثناء المطار واثناء ركوب الطياره
صدقني تغير الفكر السلبي تتغير مشاعرك وبتغير المشاعر يتغير الاحساس
فكر سليي يعني مشاعر سلبيه احساس سلبي
فكر ايجابي مشاعر ايجابيه احساي ايجابي
للعلم انا نا استخدمت حبه دواء لان عندي قناعه الدواء ما راح يعالج الافكار
العلاج يقلل الاعراض واقرب مثال حياتك انت بدواء كانت طبيعيه ومن تركت اادواء ردت لك النوبات
لان العلاج ما عالج الافكار الي براسك هدى الاعراض فقط لا غير ولا حل الامور من الجذور
واسف علي الاطاله وحبيت افيدك يا الغالي