المشاركة الأصلية كتبت بواسطة قطرات الندا

قسم بالله يامستر انك وصفت دوختي بالضبط مو زي الدوخه اللي كانت تجيني عابره زمان . دوخه غريبه ماعرف اوصفها للدكتور ابدا احيانا اقول اكيد في راسي شي مو معقول هذا قلق ابدا وبعدين مستمره تخف شوي وترجع وكل مره تجي باعراض غير وفجاه احس زي الصحن الدوار يلف يلف يلف بسرعه غريبه احس الحين الحين راح افقد الوعي واحيانا تجي مع نبض براسي وتزيد دقات قلبي .
ماتجيني وانا منسدحه كثير .. تجي اكثر لما اوقف كثير بالذات في سوبرماركت او اكون مع ناس صرت اتوتر مابغى اشوف احد واحيانا يجي معاها غثيان اعراض كثيره وغريبه ماني عارفه اوصفها ابد .. واذا خفت اعيش بخوف وحزن وكأني رجعت للصفر مهما اكون متحسنه وصار لها كم يوم ماجت بهالقوه اتفائل بس تجي انتكس نفسيا واحبط كثير .
الان خفت هالدوخه الغريبه صحيح تجي لكن اخف واملي بالله ثم هالدواء يشيلها تماما .
تدري انا قعدت سته شهور اعالج سلوكي ومتحمله كل شي بس خلاص وصلت لمرحلة اني مو قادره مع اني كنت رافضه الدواء تماما لكن استسلمت وكان احسن قرار اني اخذت الدواء بصراحه .والحمدلله اولا واخرا على كل شي .
تعرف انا انعزلت عن كل العالم بسبب هالدوخه الله لايوريها انسان .
اروح الدكتور يامستر اقوله يادكتور مو عارفه اوصف لك وش احس قالي القلق الحاد له اعراض كثيره ومتغيره دايما وغالبا المريض مايعرف يوصفها كلامه طمني نوعا ما بس لما ترجع الدوخه انسى وارجع احبط .
اتذكر مره كنت عنده وجتني الدوخه وقلت له يادكتور جتني جتني وهو ببرود يقول عادي مافيه شي قلت له يادكتور انا بيغمى علي قال ماراح يغمى عليك وحتى ماراح اقيس ضغطك لأن مافيم شي الا القلق تصدق راحت الدوخه لان الدكتور شتت افكاري وماخلاني اغذي الفكره .
بس بلحالي ماعرف اسيطر .
طولت عليك لكن حبيت اوصف بالتفصيل عشان ترتاح وتطمن اخوي