المشاركة الأصلية كتبت بواسطة رعشني حضورك

اها العفو يمكن التبس علي الأمر بينك وبين احد الأعضاء
بعض الاحيان تخونني الذاكرة .. وشكيت قبل اسبوعين عندي بداية زهايمر ورحت اختبر قدارت اشيك على التوصيلات العصبية وش من لحية هههههههه
المهم طلعت النتيجة 96 من 100 وارتحت عقبها الحمدلله
هذا بعد مذاكرة يوم ونص فقط اشوف مجال الاختبار ونوع المعلومات المقدمة .. ويوم شفت النتيجة خلوة قلت لازم احللها ورحت سجلت بالجامعة الالكترونية دراسة عن بعد تخصص في نفس مجال عملي .. وبفضل الله انقبلت على طول .

اللي ضحكني وانا داخل صالة الانتظار اثناء الفرز شافوني طلاب الثنوي بتعجب كنهم يقولون شعنده المراقب ذا جالس معنا .. ويوم استدعاني الموظف وطلب بطاقتي عرفوا اني طالب زيهم وتعجب البعض رغم انه مسموح الاختبار لجميع الأعمار ، بس وقتها ماكان فيه احد كبير غيري وكان موقفي هنا شوي محرج لكن تداركت الموقف بمزحة وقلت لهم انا ماجيت اختبر على وظيفة او جامعة يا ابني انت وياه ، انا جاي اقيس نسبة الزهايمر عندي وماشي هههههههه
ضحك الجميع حتى المراقب ، وبالاخير غبر عليهم الشايب ومشى قال زهايمر

مجرد سالفة جرت اختها اخي مبهم للدعابة .. تحياتنا ،،