المشاركة الأصلية كتبت بواسطة ظل امرأة

والله حاسة انك بتعملي ما بوسعك حتى تحافظي على وجودك وما أحزن
وانا اقدّر كل شيء حدا يعملو عشاني لو كان صغير جدا وما حدا شايفو
انا بشوف وبحس بكلشي ...
وبنفس الوقت ما بدي تكوني مجبرة او خايفة لأزعل منك
او تحسي حالك تحت الضغط..انا مو هيك..بدي كلشي بكل حب ورضا..
انا مو انسانة قاسية او أنانية.. بس انا والله صار عندي عقدة من الغياب الطويل
ونفسيتي بتتعب...لاني بحبكم من كل قلبي..
وفي كم حدا وانتي منهم بحبكم حب خاص جدا حب مخليني ما اترك المنتدى كرمالكم
وانا ما بعرف ليش كل اللي ارتاح لهم ويلامسوا روحي وقلبي
يغيبوا فجأة وما يرجعوا...بقول يمكن ما بشعروا متلي..
حتى لو عندهم ظروف..الناس بتسأل عن أحبابها ولو...
بس برجع وبقول مستحيل تلاقي حدا نفس شعورك واحساسك..
وانا هالشي تاعبني..قلبي مانو طبيعي والله
والحمدلله اني هيك بحب الكل وما بزعل من حدا وبصفى على طول
مجرد ما اشوف حدا كان غايب ورجع ينشرح صدري واتطمن وأفرح
الله ييسر لكل الغايبين وكل الموجودين وربي يحفظ خطاكم

فضفضة صباحية بيوم جديد ههههههه
صباحك فل سكوني يا رب تكوني بخير يا امورة🌹🌹🥰