جـ ليال_23 ـده

بيانات اضافيه [ + ]

رقم العضوية : 21202  تاريخ التسجيل :  09 2007  أخر زيارة : 22-10-2007 (03:53 PM)  المشاركات : 4 [ + ]  التقييم :  10

لوني المفضل : Cadetblue

بليز ساعدوني

انا شابه عمري 23
وزني 58
طولي 159
مشكلتي هيا
اني انا مني مقتنعه في وزني مع انو لمن يصنفو جسمي يعتبرو وسط مايل للنحف
بس انا مني قادره اشوف اني نحيفه حاسه اني مررررررره دبا
وليا فتره عامله اضراب عن الاكل لاني مابقدر اكل ومره اكتئب واحس بحزن شديد لمن احس نفسي جيعانه
ولمن اكل اي شي حتى لو كان شي خفيف احس اني زدت واني صرت مره دبا
انا تعبت من المشكله دي احس كل الاكلات تتخن وكلها بسعرات حتى السلطه انا احزن لمن اكلها
اكون مره زعلانه لمن اكل
ولمن اعرف اني رايحه مطعم او عزيمه اجلس زعلانه وافكر بااستمرار ايش حااكل وكم كيلو حزيد وفي الاخير مااكل مع اني اشتهي واكون جيعانه مرات بس احساس اني دبا يخليني ماافكر غير اني مااكل ولا شي عشان جسمي يكون زي ماهو واانحف اكتر
وماابغى اروح لعيادة دكتور نفساني
ومره ابغى احل المشكله دي ابغى اشيل التفكير دا من راسي
حتى رحت لاخصائية تغذيه وقالتلي انو بس يبغالي اربعه كيلو انزلو عشان اوصل لوزني المثالي وكتبتلي نظام غذائي بس ماقدرت اني اكل منو شي لاني حاستو كتير وانو حيخليني دبا
مقتنعه انو جسمي يحتاج انو يتغذى وانو وزني مايزيد اذا حافظت على عدد سعرات معينه
وحتى لمن مااكل في يوم مثلا واقيس نفسي في الميزان ويكون زي ماهو احس اني انا نحفت واشوف نفسي نحيفه بس لمن اكل شي مره خفيف واعمل نفس الحركه والاقي وزني زي ماهو اشك واقول ميزاني خربان لانو انا تخنت واشوف نفسي بالفعل دبا
بس انا مني قادره اكل مره مره مره وحتى اذا ضغط على نفسي واكلت اكون مره حزينه وماابغى اشوف جسمي في المرايا لاني مره صرت دبا
بلييييز اعطوني حل ساعدوني

المصدر: نفساني