ام احمد

بيانات اضافيه [ + ]

رقم العضوية : 2272  تاريخ التسجيل :  08 2002  أخر زيارة : 04-05-2009 (01:16 AM)  المشاركات : 366 [ + ]  التقييم :  10

لوني المفضل : Cadetblue

بسم الله الرحمن الرحيم ..

اخي عبياني كيفك .. انشاء الله بخير..

اخي .. انا في هذه اللحظه وانا جالسه اكتب مزاجي الحمد لله عال...

لاني صار لي 12 يوم وانا اخذ نصف حبه سيروكسات صباحا ومساءا

و6 ايام وانا اخذ بوسبار نصف حبه صباحا ونصف مساءا

هذا لاني اصبت بنكسه لكن طبيبي يحليله يسميها نوبه

صار لي مده وانا اخذ ربع حبه من السيروكسات بس

صار تغير شوي في الروتين وتوترت واكتئبات وزاد الهباب الرهاب واعراضهم الحلوه المصاحبه لهم

زرت الطبيب وقال حبه ونصف من السيروكسات بس ما وافقت

الا على حبه ...

صار الوضع اخف . يعني ما زالت الاعراض كلها خفت..

من نفسي صرت اخذ حبه بوسبار بس عطيت طبعا الطبيب خبر

وافق ... والحمد لله صرت واجد احسن...

المهم علشان ما اطول عليك اخي .. يمكن تتملل من هذرتي الزايده

ومن كثر ما احب اعطي تفاصيل .. ببدأ في الموضوع..

لازلنا طبعا في جدة .. طبعا هذا قبل 15 سنه مو الحين

رجعت الشقه ونسيت الموضوع...

الالام تروح وترجع .. وانا مطنشه

بس كان مزاجي .. امممممم على ما اذكر ماشي حاله

في خلال تقريبا 3 سنوات اللي بعدها

يعني ما كان في تطور في الاعراض

تروح وتجي .. وانا مطنشه !!!!

بس ما كنت ادري انه هذا من انواع المرض النفسي

طبعا .. اخي .. الدنيا ما تخلي من المشاكل ..

لكن مو ذيك المشاكل اللي تتسبب في ازمات ولله الحمد

لا . كانت اشياء عاديه جدا .. بس اختك يمكن شوي دلوعه!!!هههه

تتراكم الاشياء الصغيرة في نفسيه حساسه وتتضخم مع الوقت

واذا ما في منفس حق هذه الاشياء الصغيرة ... تصير قنبله موقوته

طبعا .. هذه القنبله في راسي انا راح تنفجر ..

بالاضافه الى الروتين اليومي في هذه البلد ... حيث ان اختك

جايه من بلد ثانيه .. الدنيا كتمه جدا .. وضغط .. واحس اني بنفجر من الكتمه

كان في الحمل .. يصاحبني اكتئاب .. خفيف مقدور عليه..هذا طبعا من الناحيه المزاجيه

اما الاعراض التي ذكرتها سابقا كانت تزيد .. يعني الم جهت القلب وثقل في اليد اليسرى

مع ضيق في التنفس.. كنت دائما اقول من اعراض الحمل .. واطنش!!!

طبعا هذا كان في الحمل الثاني ..

سريعا جاء الحمل الثالث .. زادت المسؤليات .. وزادت الاعراض

كتمه شديده في الصدر .. مزاج تعبان

ثقل في اليد اليسرى.. واخيرا .. تدأت الثقه في النفس تهتز!!!!!!!!!!!

وبدأت ادور في حلقه مفرغه!!

اكتئاب + مسؤليات + صغر في السن = فقد الثقه بالنفس

وهذا يجعل الاكتئاب يزيد وكل ما زاد الاكبئاب زادت عدم الثقه وهلم جر


طبعا هذا كله مع اعراض جسميه مزعجه .. خمول .+ ضيق في التنفس + الم في الصدر + مزاج تعبان

اخي .. لازم اوقف..... اكيد رجع لك الاكتئاب من هالي كتبته ..

انتظر تعليق منك في مواصله الحديث

اتمنى لك دوام الصحة وللجميع ايضا....