17-06-2008, 08:20 PM
|
#7
|
عضو جديد
بيانات اضافيه [
+
]
|
رقم العضوية : 13251
|
تاريخ التسجيل : 03 2006
|
أخر زيارة : 17-06-2008 (09:04 PM)
|
المشاركات :
1 [
+
] |
التقييم : 10
|
|
لوني المفضل : Cadetblue
|
|
اولا السلام عليكم ورحمة الله وبركاته
اخوي خالد للمعلوميه بس هذي اول مشاركه لي وانا ماشاركت ويعلم الله الا اني باوضح لك عدة امور وانت الحكم بحكم مامريت عليه انا
وعلى قولة المثل ..شف مصيبة غيرك تهون مصيبتك الله يجنبنا واياكم المصايب
اول شي ابيك تؤمن به داخليا تأكد ان فيه ناس عندها مشاكل اكثر واكبر من مشكلتك
وابتسم وقل الحمد لله على كل حال
ثاني شي حنا نعيش في زمان واحد يعني بتلقى فيه ناس همومها نفس همومك والا وش بيشيلون مثلا هم ومشكله عندهم بس؟؟ وجديده ولاهي عند الباقين..؟
يمكن ماوضحت الصوره يعني مثلا مشكلتك يمكن عند اللاف الناس ويمكن ملايين ..
طيب غيرك عنده مثلا رهاب اجتماعي وخلني اقصرها على المشاكل النفسيه طيب الي فيه رهاب يعني هالمرض بس عنده هو ؟؟
بالمختصر ياعزيزي حنا يالبشر همومنا ومشاكلنا تشابه من شخص لشخص ثاني ان مالقيتها في المجتمع حولك تلقاها في مجتمع ثاني
يمكن طولتها عليك شوي
لكن باختصرها اخوي
انت قلت لي عمرك 34 على ما اظن
طيب الا تعتقد اخوي واسمح لي ان هالعمر كفيل بأن يوصلك مرحلة النضوج ومعليش على استخدام هالمصطلح
لو فكرت في الكلمه صدقني بتلقى حل ومشكله المرض النفسي او الحاله النفسيه انها ( تضارب افكار داخليا) يعني ماحد عارف يحلها مثلك انت لانك لو تعيش بدون تفكير ماوصلت الي وصلت له
يعني الي جاب لك المشكله تراكم تفكير من الحاله الاولى
يعني بالله عليك ماحد فينا صابه هلع وخوف وهو صغير ..؟
ماحد فينا صار عنده وسوسه في اتفة الاسباب ؟
انا مادري وش لون اعبر لك لكن قسم بالله لو اسرد لك شريط حياتي لتقول والله اني بخير والله يستر لا تصير دموعك اربع اربع
واخرا وليس اخيرا معلومه خلها دايم امام ناظريك
(الاكتئاب لايجتمع مع التفائل) وانت انسان متفائل والدليل انك مافقدت الامل وتبي تتزوج مرة ثانيه
ومعلومه اخرى التفائل عدوى
فأحرص على ان تماشي المتفائلين
اتمنى اني سويت ولو شي بسيط يساعدك وتــأكد ان الي جابك هنا نفسه هو الي جابني انا ...
اللهم رب العرش المجيد ياحي ياقيوم ان يجنبنا واياكم الحزن والهم والغم
وان يجيرنا في ما اصابنا وينجينا من النار
والسلام عليكم
|
|
|