ام احمد

بيانات اضافيه [ + ]

رقم العضوية : 2272  تاريخ التسجيل :  08 2002  أخر زيارة : 04-05-2009 (01:16 AM)  المشاركات : 366 [ + ]  التقييم :  10

لوني المفضل : Cadetblue

بسم الله الحمن الرحيم

اهليييييين وسهلييييييين اخي عبياني

كيف حالك وينك !! والله لك وحشه !!!

والله هالكم يوم .. اللي غبت فيهم ما لي خلق اكتب شي في المنتدى

طبعا مع احترامي للاخوان... والله لك وحشه

كنت افتح على المنتدى .. ما اشوف اسمك وامشي

طيب اخي .. انكان رحت أي مقهى .. علشان تطمنا عليك !!!

يالله سماح هالمرة بسسسسس..!!

المهم اخي .. اولا اريد ان اوضح شيء عن نوبه الهلع

انا لم قلت اني احس كأن راح يطلع لي وحش .. انا لم اقصد وحش بمعنى الكلمه

لكن كنت اشبه درجة خوفي .. انا مثلك اكون خائفه من مجهول .. لكن درجه الخوف

كان راح يطلع لي وحش!!!! انا اخاف من شيء مجهول

المهم .. نرجع الى موضوع الاكتئاب ....

بعد الطفل الرابع .. بسنتين .. مع الاكتئاب .. كان على ان اعتني بمرأه قريبه لي جدا..

كانت مصابه .. بالاكتئاااااااااااااااااااااااااب من الدرجه النهائيه...

يعنى المرة واصله حده ... لدرجه ان ما عندها قدرة انها تقوم تمشي خطوتين...

يعني كان لازم اعتني فيها من والى .. من اكل وشرب ودخول الله يعزك الحما م وحتى كنت احممها

مع ذلك اللي زاد الطين بله .. الحين لم زاد عندي انا الاكتئاب صرت اعذرها

المهم كانت مهما سويت لها كانت تقول اني انا ما اسوي لها شي

دائما تحسسني بالتقصير...

صرت اشعر بتوتر شديد عند ذهابي اليها (الى منزلها ) من الصباح الى المساء

المهم هي الله يرحمها ويغمد روحها الجنه .. كانت تقول للناس اني مقصره

انا والله ما الومها .. من الاكتئاب اللي كانت تعاني منه

لكن اخى .. الناس ما لها الا الظاهر .. مع انهم يعرفوني .. واني مو انا اللي ا قصر

لكن اللي ما يعرفونه ان مريض الاكتئاب .. ما يعجبه العجب

المهم صرت اسمع التلميحات... عني بالذات من بعض بناتها!!!! تخيل!!! ( من بناتها)

المهم هني .. اخخخخخ!!! بدات تطلع علي اعراض الرهاب

اخي ما كنت استطيع ان ارفض اني اروح لها واخدمها .. خاصه بعد ما صرت اسمع الانتقاد

كنت اجبر على الذهاب ... واختك .. خوافه بطبعها .. وطيبه .. ما تعرف تاخذ حقها

ولا تعرف تطنش كلام الناس .. كنت احاول ان ارضي كل ا لاطراف على حساب رووووووحي

المهم .. اعراض الرهاب اللي صارت تطلع على كانت عند ما ادخل عليها الحجرة علشان

اعطيها وجبتها او أي خدمه كانت تحتاجها...

كنت اشعر اني راح اموت .. اشعر بخوف شديد

كان وجهي يستوي مثل الجمرة الحمرة.. احس ان وجهي ينقط عرق

احس اني مخنوقه والكلام ما يطلع بوضوح...

بس اخلص من الخدمه اللي تكون قد طلبتها منى اهرب من الغرفه اللي هي موجوده فيها

كنت اقول وش هذا الشي الغريب اللي صرت احس فيه

انا مو ناقصه امراض او اعراض ثانيه .. يكفيني الاكتئاب والكبت اللي انا فيه

هذا كان يزيد في اكتئابي.....

صرت ارجع المغرب بيتي وانا حيلي منهد .. مع اني ما اكون اقوم بمجهود بدني هناك

بس لاني كنت نفسيا مرهقه .. متلايمه على من كل صوب

اكتئاب ... ما راح اقول مجبرة على خدمه المرة.... لانه والله على ما اقول شهيد...هي في مقام امي

وهذه الاعراض الجديدة من الخوف من شيء مجهول

المهم .. صرت اعاني من آلام مبرحه في المعده !!!!

كنت احس ان معدتي تزن 100كيلو

او كأن فيها 100 كيلو من العجين .. ما ادري فهمت قصدي

كنت احس فيها انها راح تنقطع .. مسحوبه الى تحت

كنت ما اقدر امشي .. كنت امشي وانا منحنيه!!!

كنت اعرف انها من الحاله النفسيه !!!

حزن شديد .. الم المعده استمر حوالي شهرين .. وانا اعرف اني تعبانه نفسيا...

شوف اخي المكابرة .. رحت حق طبيب باطني ... وقال لي انت عندك مايكروب في المعده

ادري والله ما عندي مايكروب ولا هم يحزنون .. لكن امري لله اخذت حبوب معقم للمعده.... وذبحني

كأني طولت عليك اخي .. راح اكمل بعد ان اسمع منك تعليق..

الحمد لله على سلامتك ..

أي على فكرة ساكن الرياض رجع .. والله انا كثير مبسوطه

مبروك لنا وللأعضاء الكرام..

اختك ام احمد