جهراوي

بيانات اضافيه [ + ]

رقم العضوية : 28291  تاريخ التسجيل :  07 2009  أخر زيارة : 21-06-2020 (04:18 AM)  المشاركات : 216 [ + ]  التقييم :  10

لوني المفضل : Cadetblue

السلام عليكم ورحمة الله وبركاته


اهلا بك ياغالي الاثمان " نعمة انك لقيت اقرب الناس لك يعاني مما تعانية

لانة راح يحس فيك ويدري تماما في الالم والشعور الي تحسة لانة مر بنفس

هذة التجربة اللي مريت فيها وهذا اكيد يساعدك كثيرا مع هذة النوبات اللعينة

اول ماجتني اعراض الهلع كنت في دوامة طووووووويلة من طبيب قلب الي

الصدر الي الانف والاذن الي الجهاز الهظمي طبعا الاطباء كل تخصص اروح

لاثنين لاني مااقتنع يعني اروح لطبيب قلب واروح لطبيب قلب ثاني واسمع

كلام اخر سبحان الله كل مااطلع من اي طبيب احس انة مو فاهمني وتجيني

ضيقة فظييعة وابكي من شدة القهر واروح لطبيب اخر ونفس القصة واطلع

منة وكلي الم وحسرة ،، الا اخر طبيب زرتة الي هو طبيب الباطنية كان

شباب وتوة خريج وفهمان كثير واسلوبة جدا جدا رائع الله يجزاة كل خير

من ثاني مراجعة عندة وبعد الفحوصات كتبلي البروزاك وقالي هذا علاجك

اللي انت محتاجة وكان يقنعني ويشد من عزيمتي وكان طبيب جهاز هظمي

يعني مو نفسي لما اخذت البروزاك وقالي اصبر علية اقل حاجة 6 اسابيع

حتي تشوف النتيجة وفعلا بديت اخرج من البيت جتني ثقة اسوق السيارة

وانا مرتاح شوي يعني مونفس قبل خوف شديد وتعرق واقول متي اوصل البيت

بعدها كلمت الدكتور / انور اللي هو طبيب الجهاز الهظمي وقلتلة بروح لطبيب

نفسي وشرايك يادكتور قالي : ممتاز رووح واشجعك علي الخطوة هذي وصدقني

كلها كم شهر وراح تشوف الفرق بأذن الله وفعلا رحت للدكتور/ عصام الانصاري

ووصفلي السبراليكس وقالي انة اقوي علاج حاليا للهلع بأتفاق جميع الاطباء

لانة فعال جدا واخذتة وحسيت بتحسن لكن عندي الغصة بالحلق ماراحت

عندي غازات وانتفاخات بالمعدة مازالت موجودة واحيانا تفكير سلبي ويروح

بس عموما افضل من قبل بكثير وسعت انة السبراليكس زين من كلام الاخوان

في المنتدي والله اعلم ..



اخي غالي الاثمان شلوونك مع السبراليكس حاليا ؟؟

وهل اخذت مهدئ مع العلاج وشكرا ... واسأل الله الشفاء للجميع ،،،