نفساني - عرض مشاركة واحدة

19-07-2012, 03:17 AM

اقتباس:

المشاركة الأصلية كتبت بواسطة الرديد

ياليت تعطينا التمارين الي مارستها اخوي انا احتاجها

ياااه كتير جدا اولا اعتذر على التأخير كنت مشغول انهارده فى الشغل
بص يا سيدى التمارين كتير جدا منها السلوكى ومنها التامل و التصوير الايحائى و منها التفكير الايجابى
فمثلا لو التفكير الايجابى انك مثلا بتقول كل السلبيات اللى انت شايفها فى نفسك وبتبدأ تبدلها بافكار ايجابية
مثلا انا سيء انا جيد وهكذا وفى نوع اخر افضل فى التفكير الايجابى هو التوجيه الذاتى بانك تقنع نفسك بالفكرة اللى انت عايز تكونها هتبقى هى الفكرة دى مع التمرين المكرر مثلا لو عاوز تبقى محترم هتفضل توجه وتحط فى دماغك كل شوية انك محترم وشوية شوية هتلاقى نفسك تتصرف كما اردت
و التامل ده بوابة
مثلا نوع تتخيل انك فى مشكلة عويسة وبتحاول تحلها بس بهدوء وبشكل جيد وده بيديك تدريب عشان لما تواجه المواقف دى فى الحقيقة يكون عقلك متقبلها وقادر على افراز حل فى وقت صعب
ونوع عن التامل عن شىء لا وجود له عندك مثلا انت طالب وتريد ان تكون الاول فا بتتخيل نفسك الاول فعلا وبتتخيل لو انت الاول كيف بتذاكر وكيف بتتصرف مع تنظيم الوقت وهكذا بتبدا تلقائى تتصرف بالشكل ده
والتصوير الايحائى ده محتاج شرح يطول وكذلك السلوك
ولكن باختصار تعديل السلوك بيكون بالمواجهه او اكتساب مهارات او اشياء اخرى كتير
و التصوير الايحائى ده مقرتش فيه كتير بس فاكر كنت قريت شوية عنه من الدكتور الرائع الراحل ابراهيم الفقى ولكن لا استطيع التكلم لانى مش فاكر التفاصيل اوى
ونصيحة منى اوعى تعمل غلطتى
مفيش حاجة بتجيب نتيجة لوحدها لازم تعمل برنامج منظم صدقنى انا جربت الكلام ده كله من سنين وكل ما احصل عليه شعور ايجابى ويزول بعد فترة
وبص صحيح السلوك من الاساسيات لدرجة ان البعض يعتمد كليا عليه لكنى لا اعتبره التغيير الجذرى وقد اكون مخطأ
لانى معجب جدا بفكرة العلاج المعرفى السلوكى وارى انها حقا العلاج الامثل

وعموما بما ان الروابط ممنوعه فى المنتدى انا هنسح لك مقالتى اللى كنت ماشى عليها من كذا سنة

تحياتى :)