|
أنا مفجوعه....يا أهل النخوه وينكم؟
بسماللهالرحمنالرحيم
ماني عارفه ويش أقول وشلون أبدأ....
بس الي أنا فيه صدمه لكن هاذي الصدمه هدت حيلي لانها جت وانا توني قاعده ألمم جراح الماضي وحاول أصير مثل ماأنا قبل وأحسن....
أحاول أوقف على الرجولي ومشي لكن الي صار أن الرجولي تكسرت وما عاد فيني حيل.....
والله لوتدخلوا قلبي تشوفوا شقد أنا تعبانه ماأقدر أوصف شعوري أحس أن الموت صار أرحم في زمن يخونك فيه القريب والحبيب قبل العدو والبعيد....
السالفه ومافيها أني لما طحت في المشكله الي سبق وشرحتها .... سكت الدنيا في وجهي وحسيتها كلها سواد ..... كنت محتاجه أحس بحب وحنان من الي حوالي ... لكن ماكنت أشوف بعيونهم الا لوم وعتاب.....
وفي يوم من الأيام زارتنا وحده قريبه لنا تصير بنت عم أمي......
حسيت أنها مهتمه فيني ..... حبيتها ووثقت فيها لدرجه ماتتوقعونها.....
وقوت العلاقه بيني وبينها الدرجة أني أقضي ساعات وياها على التلفون علشان هي في منطقه بعيده وكنت أحط كل مصروفي على المكالمات من كثر ماأنا أحبها وماأقدر أفارقها.....
وكنت أقول لها كل الي في قلبي وقلت لها كل أسراري ....
وهي بعد حبتني وصارت تشكيلي وماتخش عني شي....
وبعد فتره لاحظت أنها تحب تسوي مشاكل وتنقل الكلام..... وكرهتني حتى في أهلي وأمي وأبوي......
للاسف ما لاحظت هذا الشي الا في وقت متأخر بعد ماقضيت شوط ويها وعرفت كل صغيره وكبيره عني......
حاولت أنصحها لكن لاحياة لمن تنادي......
وشاءت الأقدار أن أخوي يخطبها......
أوكى أنا قلت الله يهني سعيد بسعيده ومادام هي عاجبته الله يهنيه....
وأنا بتعدت عنها وصارت علاقتي بها سطحيه علشان أنا ماأحب المشاكل....
والباب الي يجيك منه ريح سده وستريح......
بس لما خطبها أخوي أنا كلمتها وحرصت عليها أن أسراري أمانه عندها ومايصير تطلع لخوي أو غيره.....
طمنتني وقالتي لا تخافي أسرارش في بير....
أنا كان حاسني قلبي.....
وبعدفتره أنصدم أن أخوي يعرف كل أسراري عن طريقها......
طبعا أنا بيدي أشرشحها وخليها ماتسوى بس هاذي مو أخلاقي....
وبعد أنا أعرف أشياء عنها لو أقولها لأخوي يهدها ....لكن حرام قطع النصيب..
المهم أنا حسيت قلبي تقطع .... وحسيت اني فاشله في الحياه وماأقدر أميز بين الصديق والعدو ... ونقهرت لأني ساذجه وكل الناس تلعب علي.....
المهم أني كتفيت بماقطعتها وقلت لخوي يوصل لها أني ما أبيها تكلمني....
بس أنا ماأشوف ان هذا حل ......وقلبي يحترق من الآلم .....
وحتى مقاطعتها مو حل لأنها راح تصير مرت أخوي وعيالها أنا عمتهم.....
الله يخليكم عطوني حل لأني مايصير أسكت وأخليها تتمدى .....
ولا أنا عارفه كيف التصرف معها ....
يا أهل النخوه وقفوا معاي ولا تخلوني....
وأنا كلي أمل فيكم ....
|