نفساني - عرض مشاركة واحدة - عندي مناسبة وخايف عطوني (نصائحكم و طقوسكم) قبل المعركة

28-04-2023, 12:07 PM

أخي وحيد
كيف حالك
ربي يديم المناسبات السعيدة
ويروق بالك ويهونها عليك
شوف اخي اكيد الموضوع مو سهل عليك
بس كمان مافي شي صعب
يعني هونها على حالك
ومتل ما بقولوا
كبرها بتكبر
وصغرها بتصغر
تعامل مع المناسبة بأريحية
وفكر بينك وبين نفسك
واسأل حالك شو اللي بخليك تتوتر
وليش..وشو الداعي
يعني شو اكتر شي هاكل همه في المناسبة؟
الضجة ولا كثرة الناس. او ما بتحب تجامل مثلا
بكل الأحوال يا اخي ساعة وبتمضي
يعني المناسبة ما هي تقرير مصير تخاف منو
اللي بدي اقوله
بما انه مافي قدامك مجال غير انك تروح
لازم تتقبل وترضى
واذا تقبلت رح يتغير كل شي
النفسية تعتمد على أفكارك
فكر بشكل إيجابي
وان شاءالله تتسهل قدامك
وربي يكون معك🌹