:-[ هطول الثلج على وهج النيران ]-:

راكن سيارتي في البر بجانب الخط السريع

طفش و مزاج هابط و كرهان كل شي

الحمدلله تعدل مزاجي بس مو ذاك الإعتدال اللي أبيه لأنه مخليني وحيد و كاره الوحدة

نطلع من جحر ندخل جحر ثاني صايرين مثل الجرابيع

مآخذ مهدي و صاير وقح . مو أنا . هو

لأنه يبي يعوض عن فاتورة أحزانه الباهظة اللي خلته مدين و بقوة و لما شاف العافية ما صدق و قام يخربط

بس الله يعيني عليه و هو بعد الله يعينه

أعوذ بالله ما جاني نوم بس أتقلب

إستفدت من مؤلفة كتاب الشخص مفرط الحساسية
و تنصح بغمض العينين و لو ما حصل نوم و هذا كافي لإراحة الجسم

رحت الدوام سهران و رجعت للبيت و نمت نومة لليوم الثاني و تأخرت عن الدوام و عاتبوني عشان توقيعي للحضور و الإنصراف في غير محله ، النايب ما نبهني يبي أي دقة مني عشان يرتاح و يشوّف غلطي للمدير
الله يعين

ليه يا ليل ما تسري و أنا أقول رح عني وراك
تمسي الدار رغم أنوارها في عيوني مظلمة
و الطواري تكهرب من بعضها ب كثر الإحتكاك
تحرق أعصاب راعيها و تنخر عظام الجمجمة
همت في وادي قام يحداني على درب الهلاك
تالي الوقت يا قلبي تغيرت ما أدري وش بلاك
راحتك مالها طاري و صارت عليك من المحرمة
كأن خلف الضلوع حروب فكرية و فوضى حراك
و أنت عنصر محايد ما أنت واقف مع أي منظمة
كل ما زاد عرفك في الزمن زاد شكه و ارتباك
كن قدمك ملفات اتهام و قضايا محكمة


رجعوني للأيام الخوالي و خلوني هناك : ودي أقضي حياتي بين رمحه و بين المردمة

يا ربي أنت أعلم و أنا العبد الذي لا يعلم
إن كان عينا فردها في نحر المعيونين
يا رب إن العين متعبة و موجعة

غيروا سيرة العين لأني أحس بكره منها
بغيت أقولكم عن ما سمعته عيناي عن عدم تبريكاتهم لي بس أفضل أضل ساكت لأن ما ينفع الكلام


بسوي حركة مصطفى المومري اللي فكنا فكنا روح روح

الأمير عبدالرحمن بن مساعد بن عبدالعزيز
@abdulrahman
·
٢٤ يوليو
ألا يا ناصحٍ بالطب روحي
تراها لو لقت طبٍ تداوت

يجي عقبه فرح و إلاّ حزاين
تساوت عندي الدّنيا تساوت

الأمير خالد الفيصل

جبهتي على يدي أومي إيماءا من المزاج لكن في داخلي ضحك هستيري !

ليتني ثور عند الهندوس كان عشت بخير و انطحهم و ما يسوون لي لا هيك و لا هيك

أكون ساكت أحسن

.........................................

لا شيء

يؤلمني غياب الجنرال محمد البدراني و قلة تواجده و مشاركاته

أدري و الله بسبب الذين تمسكوا به ثم خذلوه و هربوا

عشرة عمر أنا و اياه دخلنا سوا عام 1413

هذي الأغنية ظهرت لي مرتين و شفت وجه المغني و أقفلها لأنه يشبه واحد ثقيل جدا و مو لوحدي بس بل هذا طبعه ثقيل و هذر كيف تجي ما أدري

الأغنية ( هذا دمعك ) الكلمات جبارة بس الرجال مشكلة بيني و بينه
بس كلاص