شرحٌ وإسهاب في علاج الرّهاب

إختي معانده الهم

حاولي تغيرين شوي إبدي من الحين بأبسط الأشياء

لو تغيرين مكان سريرك أو مكان الدولاب مو خسرانه شي

صج أحيان نستهين بهالشغلات بس والله ماهي إلا خطوة صغيرة

تخلينا نتعود على التغيير

إختي معانده الهم

ماأتفق معك بهالنقطة إني أقول لأحد من ربعي إني أعاني من

رهاب

لأن هالشي من خصوصياتي( لا تجعل نفسك كتابا مفتوحا إلا

للخاصين وبقدر )

يمكن فيه حل ثاني هو إني انقطع

عنهم شوي واكتشف صداقات جديدة وأكون أكثر جرأة وأرجع لهم

أحس شوي بيخف الوضع

يمكن تكون أعراض الرهاب واضحه مع الناس البعيدين

بس مع القريبين تكون بحدود الخجل مو أكثر

لييش لاء

بس مو الحييين

مابي يتغيير مكاني

اخليه لين وقت الاجازه


زين اخوي ثامر

انت ياك حالة الرهاب من شنو ؟

تتوقع ااذا صار حدث في الماضي ممكن يكون هو السبب 915

لا اخوي ثامر انا ماقلت تقول لهم عن اللي فييك

انا اقصد انه لو كان عندك ربع انت معااهم وايد وعلاقتك اوكييه

بيساعدونك يكون عندك ثقه بالنفس وداافع

يعني مثلا اتكلم عن نفسي

لما اكون مع صديقاتي تروح عني حالات الرهاب

وانا ابدا مو مع انك تقول حق اي حد حتى لو اخووك

أختي معانده

بدايته كان وياي أيام الثانوي بس شلون بدأ ماادري بالضبط

بس أكيد أشياء تراكمت مثل العزلة والقلق والارتباك

بالنسبه للماضي إنه يكون له دور أكيد لما يمر علينا شي

يكون أخطينا فيه قبل راح تزيد حالة الرهاب عندنا ونعيد نفس الخطأ

بس أحسن شي كل ماتقومين الصبح سمي بالرحمن

وتخيلي إنك طفلة توك طالعة على الدنيا وتصرفي بعفوية

راح تتغير اشياء بحياتك

هالطرق ماتنفع معاي

يمكن اكون عاقده العزم على التغييير لكن من اقرب موقف يتبخر اللي

عقدته

اعطيك مثال

اليوم الصبح

كنت قاعده مع امي وابوي واخوي نتريق

انا مادري ليش ماقدر اسولف معاهم ولا حتى اطالعهم بعيونهم

ولاحظ انهم ماقد هاوشوني بالعكس يشجعوني اسولف معاهم

المهم كنت ساكته وكني مو موجوده حتى انا سرحت بولاشي =(

المهم عاد ابوي قال عن طريق المزح كلمه انه خلصتي الجاي

انا من قال جي الا عيون كلها دمووع =(

الله كرييييم

وانشالله اتغييير للأحسن

السلام عليكم ورحمة الله وبركاته


مراحب اخواني واخواتي الاعزاء والعزيزات



خلوني اعرفكم شوي على نفسي طالبة بالجامعة قسم رياضيات


عمري ما ادري بالضبط هو 22 ولا دخلت 23 ما ادري المهم


احب علم نفس واقره عنه كثير



بدت معاناتي من الرهاب من المرحلة المتوسطة وزادت شوي بثانوي



ولكن بالجامعة تازمت كثير لدرجة اني لوشفت وحدة اعرفها اهرب منها



وما اقدر اسلم عليها ولا اكلمها واحس يضيق عندي النفس وارجف شوي



احاول اتخلص من هالخوف بس ما اقدر ودايم ابوي يضغط على ويحرجني



عشان اتكلم بس ما اقدر واذا زاد ضغطة كثير اكتئب لانه يظن لو اقحمت نفسي



وسط الناس وتكلمت معاهم راح تخلص من هالشي صرت دايما احضر الكلام الي



ابغى اقوله واحضرلاي موقف بس اول ما انحط بموقف انسى كل شي وكل



افكاري تضيع مني هالشي حتى على النت لما ابغى ارد على موضوع ما اقدر


اعبر عن نفسي ولما حد يسالني عن رايي بش ما اعرف ارد واتخلص من


السؤال على طول واقول ما ادري وكل شي يحتاج الى كلام استغى عنه


بالا خير اشكر صاحب الموضوع الاستاذ سلمان


ويعطيكم العافية جميعا

اختي هني كلنا معاااج

وبنحاوول مع بعض الين نتخلص من هالحاله


وجربي طرق اخوي ثامر يمكن تحسين انها تفيييدج

وخلي ثقتج بذااتج كبيره

واهم شي انج تقووين نفسج وتقولين هالكلمات في بالج

انا قويه

انا اقدر

انا احسن منهم ليش اخاف منهم


وانشالله خيير

سلام عليكم
انا بكتبلكم مشكلتي واتمنى القى حل لها
انا لما اروح المكان مثلا مطعم وفي زحمه ودي علطول اطلع
واحس اني بصيح ولا اطيق نفسي
انا من جد تعبت واحس انه يزيد انا مقبله على جامعه وهناك في اختلاط كثير
انا ممكن احرم نفي من شئ ابيه اذا عرفت انه في ناس
اتمنى القى عندكم حل

رد على الاخت بنوته حبوبه :
اختي الكريمه قد يكون رهابا اجتماعيا ولك استشاره مختص في الامر.

السلام عليكم
تعودت ان اهرب من مرضي
من7 سنوات وانا حبيسة البيت الناس ماتعرفني وانا ماابغى اعرفهم
ماالبغى ايكون منظري غبي
المشكلة تافهة سخيفة الي حولي يقول كذا حتى انا معاهم واكيد انتوا كمان
بس مااقدر اطالع الي يكلمني صعب مااقدر ابدا
اذا حاولت تكون نظرتي حادة بلي قدامي وتصير نظراتي بحلقة يعني ابحلق يشارك هذا خوف في داخلي
يااستاذ حتى ا لان وانا اذكر مشكلتي انكتم ويضيق صدري مااحب اتكلم فيها
اتضايق
عشان كذا اتهرب منها
ان احس احاسيس غريبة في شئ اقوى مني يمنعني اتواصل مع الناس ابغى اشوفهم اناظرهم انفعالاتهم كلامهم
انا حاسة اني كفيفة
حاولت احلل الي انا فية اش الي قاعد يصير طول عمري فرفوشة ولعابة واحب الناس والناس تحبني
بس كانوايقولون عني اني استحي بس ماكان عندي مشكلة
وفي مدرستي شاطرة واحب اتفاعل مع مدرساتي واناقشهم
كان عندي طموح ومازلت ابكي عليه لانها صارت احلام
ابغى ارجع لمدرستي
ابغى اطالع الناس
كثير احيان نفسي اشارك بحوار يعجبني مااقدر
انا مااشكي رعشة
ولاحركات لاارادية
ولاتغير لون وجهي
كل ماسمعته عن الرهاب مااعانيه
بالعكس انا بخير ونعمة بس لوطالعت الناس
هاذي الاعراض اصبحت عندي بعد مااقعدني انعدام التواصل البصري بالبيت لا وصارهناك اعراض غيرها
وانهالت علي التغيرات
اصبحت وحيدة منعزلة في بيتنا عن الناس فقط من اراهم اخوتي وابنائهم
لكن عزائي اني احب الله هو ملاذي عشان كذا ماراح افكر اني مستقبلي ضاع راح اخليها على الله
اخي انت اخصائي
ماتحليلك
ويبقى الامل
والله كتبت ماكتبت رغما عن انفي لاتتصورون كيف يتعبني الحديث عن نفسي الان انا حسيت بخوف
اعوذ بالله من الشيطان الرجيم

الأخوات سميره , بنوته حبوبه , هيا
هلا فيكم
تأكدوا قبل كل شي واقتنعوا إنها حالة وتعدي ولا تصعبون الأمور
على أنفسكم وخدو كل شي ببساطه وحاولو تقرون وتستفيدون
كلنا عانينا وتعبنا وشقينا من هالرهاب عسانا مأجورين يارب
تنقصنا المهارات الإجتماعيه وصعوبة الإندماج مع المجتمع وشوية إكتئاب
بس لها حل إن شاء الله


وهلا بكم مرة ثانية

اختي هييا

جربتي ان مطوع يقرا عليج ؟

انتي تقولين ماعندج الاعراض يمكن يكون عين او حسد ؟

انا ماقول هالشي من منطلق علمي مجرد راي

وربي يسعدج

واكيد صعب انه نكتب المشكله تذكرنا بضعفنا

بس الا عتراف بوجود خلل هو بداية الانتهاء منه

دمتي باحسن حال يارب

الوصفة التي من الممكن أن تساعدك على تغيير أي سلوك سلبي
وتحويله إلى سلوك إيجابي:
1. اكتب ثلاث أنواع سلبية من سلوكك تحب أن تغيرها
2. اكتب لمادا أنت راغب في القيام بالتغيير؟
3. اكتب ثلاث أنواع من السلوك الإيجابي لتحل محل السلوك
السلبي
4. إستخدم مولد السلوك الجديد مع كل سلوك جديد على حده
إلى أن تصل لدرجة الرضا التام, وتخيل نفسك في مواقف صعبة
ثم استخدم المعلومات التي اكتسبتها للتصرف في تلك المواقف
5. حتى يمكنك الإرتفاع بمستوى عزة نفسك, اكتب في ورقة
خمس صفات حميدة عن نفسك واحتفظ بها معك دائما اينما كنت ,
واقرأها بإستمرار ورددها: أنا راضي عن نفسي, أنا أتقبل نفسي
على حالتي, أنا أتقدم وأتطور وأتحسن كل يوم وفي كل شي
6. لتحسين نظرتك لداتك قم بتخصيص 20 دقيقة يوميا لنفسك
متخيلا فيها أنك قوي, واثق من نفسك, متزن,
واعلم أن عقلك الباطن لا يفرق بين الصور الحقيقيه والصور التي
تتخيلها, وكلما تخيلت نفسك بالطريقة التي تتمناها وكلما قمت
بربط إحساساتك بها, ستجد أن الصور التي تتخيلها تتبرمج
في عقلك الباطن.
7. قم بتطوير مهاراتك وتطوير علاقاتك مع الآخرين

جزااااك الله خيررر عل المجهوود اخووي ثامر

وفعلا بديت اطبق اليوم من الاشيا اللي انت حطيتها

والحمدالله احس فادتني