ممكن المغاربة يدخلوا؟

اهلا اهلا اهلا اهلا اهلا شحال قدري ما نقول لك اهلا


واش راك مدابز معانا باش ما كدخلش وغير شوفنا بعدا

ههههههههههههه مت ضحك على اخصائي نفسي هههههههههههههه

يا رب يخليك ديما ضاحك الطير ما تبقاش تطير وتهاجر خليك معانا راه باغين غير نشوفوك

الله يخليك اخويا ويوفقك

كيف داير مع شي خدما قرايا الدار زنقا ههههههه حتى حاجة هههههههه

اهلا اهلا اهلا باختي وردةةةةةةةةة

انا بخير اختي راني غادي مع القرايا او معمر و قتي او عايش الحياة نضحك شوية نبكي شوية عادي ااما داكشي لي كان عندي شحال هادي صافي ساليت منو مرحلة او دازت ههههههههه

كانغبر اختي لاحقاش ماعنديش فين نحك راسي او بيني و بينك مابقيتش كانلقى علاش ندخل ههههههههههه المهم مرة مرة راني كانسول فيكم فحال هكذا

ايوا نتي اش كاتعاودي فرحانة ...طالع ليك الدم ...درتي عقلك..ما زال ههههههه؟؟

عاودي ليا عاودي ليا كيفاش كاتدوزي النهار ديالك او قولي ليا واش باقى كاتفكري في المشاكيل و الهم و الغم او لا بدلتي طريقة التفكير ديالك او وليتي اجابية فحالي ؟؟

ياله خوي ديك المزيودة...انا كانتسنى :)

مرحباا بيك خويا الطااااائر اهلا وسهلا ,,لاباس علييك ,, الحمد لله على سلامتك ,,كلنا غير مع القرايا والوقت وصاافي ,,ايوا كاين شي جديد اشنو هوما هاد الحواايج جداد لي تعلمتيهم؟؟ قولينا وفيدنا يا الاخصاائي النفسي ديااالنا هههههه

هههههههههههههههههههه اهلا باختي العزيييييييز هل انا موجودة،اش كاتعاودي اختي لباس عليك؟؟؟؟

المهم تعلمت بزاااااااف او بزااااااااف او بزاااااااااااف الحمد لله

و لاكن اهم نصيحة نقدر نعطيك هو ان لا تشغلي وقت فراغك بالاضطرابات النفسية لي كاتدوز عليك او لي كاتدوز على كل انسان بطبيعة الحال،نعطيك مثال

يعني مثلا اختلال الانية الى الانسان شغل وقت فراغو او وقتو كامل في التفكير فيه غادي يزيد او غادي يطور لاكتئاب او لا زاد ممكن يطور لاكثر او ممكن يوصل حتى للانتحار،

فاش كايكون الانسان عندو وقت فراغ كبير او كاتبان هاد الاضطرابات العقل كايركز عليها لاحقاش العقل خاصو يخدم او كايفرح فاش كايلقى فاش يتشغل ههههههههههههه بمجرد ملئ و قت الفراغ باشياء اخرى و عدم التفكير في الامراض النفسية تتلاشى اعراض ذالك الاضطراب ويصبح العقل يميز جيدا و يعطي العقل ذالك الاضطراب قيمته الحقيقية


شيئ تاني اختي ماتبقايش تقراي على الامراض النفسية او ماتقرايش المواضيع لي كايطرحوها المرضى لاحقاش ممكن تمرضي بنفس الامراض لعندهم الى كنتي مهيئة

المهم الى بقيت كانكتب راه ما غاديش نسالي هههههههههههههههه

الانسان خاصو يتعلم يفرح بز منو و يبعد على كل المنغسات او غادي يعيش حياتو مزيان

ااه عندك الحق فهاد الشهور ديال الدراسة عقلي كيبقى مشغول هادي باينة ولكن واحد الحاجة وضحهالي ,,هوما كيقولو الامراض النفسية بسبب نقص السيروتونين وكيعطيو الدوا باش يتعدل هاد المادة,, ولكن نتا كتقول غير صرف التفكير عن الامراض راه غادي يمشيو وهادا ما يقوله العلاج السلوكي ,, ادن هنا هل المرض حقا بسبب نقص السيروتونين ام انه افكار فقط ويجب تغييرها ؟؟ ممكن توضحلي هاد النقطة؟

اهلا ختي هل انا موجودة

ايييه نوضح لاختي على قدد داكشي لي تعلمت ان شاء الله

اولا خاصنا نعرفو ان الطب النفسي فيه عدة مدارس كاين نوع من الاطباء لي ماكيلجئش لصرف الادوية نهائيا او كاين لي كايصرف الدواء الى كانت الحالة صعيبة او كاين لي كايصرف الدواء مباشرة عند اول زيارة و هاد النوع بيني او بينك مكلخين بزااااف او ماشغلهمش فصحة ديال بنادم،،شيئ اخر مهم و هو ان شركات الادوية كاتقنع الاطباء بالادوية ديالها باش ينصحو الناس ياخدو الدواء و هذا كلو بيزنز ههههههههههه

المهم نوع اخر من المدارس المختصة في علم النفس و هي مدرسة البرمجة اللغوية العصبية هادي مدرسة بوحدها ماعندها حتى علاقة مع الادوية الى بغيتي تقراي كتوبة ديال العلماء في هاد التخصص كاين زيج زيجلر احد رواض علم البرمجة اللغوية العصبية و التنمية البشرية او على مستوى العالم العربي كاين الدكتور ابراهيم الفقي الله يرحمو عزيز عليا بزااااف قراي ليهم اختي غادي ينفعوك


المهم هادي كانت غير مقدمة غريبة شوية هههههههه ،،،،،،دابا نرجع لسؤالك اختي خاصك تعرفي ان الناقلات العصبية المسماة بالسيروتونين كاتنقص و تزيد على حسب مزاج الشخص كيفاش غادي نعطيك مثال مثلا مثلا مثلا انا ضربتك ههههههههههههه غير مثال ما تخلعيش هههههههههههههه الى ضربتك شي ضربة قاااااسحة ههههه غادي تبكي او لا لا ؟؟؟ غادي تبكي ان شاء الله ياكي هههههههههههههه يعني فهاد الحالة مثلا ما علاقة السيروتنين بيك ؟؟ ماعندو تا علاقة ولاكن الى بقيتي كاتبكي و بقيتي حزينة او كاتفكري او كاتقولي فخاطرك انا ماكنتش كانتوقع داكشي من الطائر الحر او بقيتي على هاد الحالة هنا هاد الهرمون او هاد الناقلات العصبية''السيروتونين" غادي يبدا ينقص عندك

شفتي المسألة كيدايرة؟؟

يعني الانسان هو المسؤول على كل هاد المسائل

داكشي علاش خاصنا نكونو فحياتنا ديما متفائلين الى كنا متفائلين او مخلين كلشي فيد الله او مهنين بالنا او كانشوفو غير لي يفرحنا و يضحكنا و ينشطنا السيروتونين غادي يكون في حالة جيدة فهمتيني اختي

المهم اختي نصيحة ليك او كانتمى تديري بيها او تنصحي جميع الناس بيها و هي تقراي الكتوبة ديال البرمجة اللغوية العصبية قراي لدكتور ابراهيم الفقي

نصيحة اخرى مهمة بزاااااااااف خوي راسك من داكي ديال العين و المس و السحر و الحسد داكشي خليه فيد الله او ماتعطيهش اهتمام نهائيا وخا يعاودو ليك لي عاودو راه هادي كلو داخل في البرمجة اللغوية العصبية كيفاش؟؟ من ابرز الاشياء لي كايهدر عليها هاد العلم و هي ان أي شئ تفكر فيه و تتوقعه و تربط به أحاسيسك ينجدب إليك من نفس النوع فهمي هاد الكلام مزياااااااااااااااان اختي راه مهم غادي ينفعك فحياتك كاملة المهم عاااافاااااك بغيتي تقراي لكتور ابراهيم الفقي او تشوفي الامسيات ديالو او البرامج في اليوتيوب راه غادي يفيدك بزااااااااااااااااف،،،،،،،،،،،،،،،ياله انا مشيت تهلاي ليا فراسك اختي

اوك شكراا على التوضيح ولكن ماشي هادشي لي قصدت ,, انا كنقصد مثلا الوسواس القهري شحال من افكار كيتسلطو لى الانسان والاكتئاب حتى واحد معندو دخل فيه كيجي شعور ماشي غير افكار ادن هنا يجب الدواء او الرقية او الاثنين معا وامور العين انا اؤمن بها كثيرا لانها موجودة ومدكورة ,, واغلبها هي من يسبب الامراض النفسية ولا الومك لان كل واحد وقناعاته وتجاربه فانا عشت تلك التجربة مع عائلتي لدلك صدقت ,, ولو لم اعشها لما صدقتها ,, المهم هادا فقط سؤال كان يتبادر الى دهني ,, لاني استغرب من الاطباء احيانا يقولون السبب نقص في المادة ويجب تعويضة واحيانا لا يجب تغيير الافكار وهادا خطا ,, لان المكتئب ادا قلت له افرح سيقول لك كيف افرح ؟؟ لا استطيع انا لا اقصد تعكر المزاج والاكتئاب البسيط بل اقصد الاكتئاب المتوسط والشديد ,, ونفس الشيئ الوسواس القهري واختلال الانية فاختلال الانية قد جائني وجاء الناس فجاة ولم نكن نعرفه ابدا ولم نكن نفكر في شيئ محزن لكي يراودنا ,, ادن لمادا راودنا ؟؟ صحيح اني لم اعد اهتم بالامراض النفسية لاني شفيت من اغلبها لكن هده اسئلة تتبادر الى دهني بسبب الفضول فقط

اختي العزيز هلى انا موجودة لي خاصك تعرفي و هو ان المكتئب لي كاتهدري عليه راه وصل لحالة من الاكتئاب الحاد باش وصل لهاد الدرجة راه داز من مراحل كثيرة اولها المشكل المنغس ثم التفكير في ذالك المشكل بطريقة اوسع ثم الاكتئاب البسيط ثم الاكتئاب الحاد يعني الى بغا يخرج من هاد الحالة مايمكنش يخرج منو بسرعة كيفما قلتي نتي انه كاتقولي الواحد مكتئب ضحك كايقول ليك كيفاش نضحك

الى كنت انا طبيب و جاتني شي حالة ديال شي واحد عندو اكتئاب حاد غادي نتدرج معاه اول شيئ غادي نبدا معاه بتغير الافكار بتدريج ثاني شيئ غادي نلزم عليه يعطيني اش كايدير في النهار ديالو بطبيعة الحال الى كان عندو اكتئاب حاد غادي يكون كيدوز نهار ممل كحل مافيها مايتشاف غادي نبدا نقوليه اشنو يدير في اليوم ديالو او قبل من هادشي غادي نهدر معاه مزياااااااااااااااااااااااااان حتى نعرف اشنو هي الحاجة لي عزيزة عليه او غادي نكبرها ليه او نركز عليها باش نخليها كحافز ليه باش يخرج من حالتو المهم القصة طويلة هههههههههههههه


اختي المرض النفسي عندو بداية و نهاية وكما بدء بسيط يتطور الى ان يصبح كبير و المدة التي استغرقها من البسيط الى الكبير هي نفسها لي غادي يستغرقها باش يتشافى

بنسبة للوسواس انا راني كان عندي الوسواس او متناسيش بلا انا راه كنت مريض بالوسواس و الاكتئاب ....

المهم باختصار لان الموضوع طويل خاصني يومين باش نكتب ههههههههه

الوسواس مسألة سلوكية كايتعلمها الانسان او طريقة العلاج ديالها نفس طريقة تعلمها ههههههههههههههههه ماعرفتكش واش غادي تفهمي او لا لا هادشي معقد او طويل المهم انا حالة من الحلات لي بريت الحمد لله او كانعرف اش كانقول لانني قريت و استفدت من ناس عمالقة فهاد الميدان

بنسبة لسحور او داكشي اش غادي نقول ليك اولا راه علماء دين اختلفو فهاد المسائل و انا و لله الحمد اصبحت متحرر من هادشي عرفت قيمتي الحقيقية عن الله عرفت انني احسن مخلوق خلق الله عرفت انني انا هو الانسان انا لي صخر ليا الله الشمس و الارض انا اقوى مخلوق في هاد الكرة الارضية اقوى بالعقل لي عطاني الله انا الانسااااااااااااان

قلتي حاجة مهمة ان كل انسان و تجاربه جميل جدا حتى انا شفت بزاااف ديال الاشياء الغريبة و لاكن مامشيتش مع التفسيرات الغيبية الغير ملموسة و ليلت او تنأكد ان علماء الدين اختلفو فيها انا مشيت او قريت او فهمت كيفاش كايخدم لعقل فهمت اننا هازين فريوسنا اعضم و اكبر و اضخم شيئ فهاد العالم... انه العقل

اخر حاجة بغيت نجاوب عليها قلتي انه كاين لي ما عليه ما بيه او كايجيه اكتئاب او لا مانعرف هههههههههههههههههههه ايوا راه ماغاديش تدخل شي قوة خارقة او لا يشعل الضو فيه هههههههههههههههههههه راه غادي يكون كايبان ليك نتي ما عليه ما بيه لاكن المشكل كاين في الافكار الافكار الافكار الافكار فكرة بسيطة تافهة كاتولي كبيرة ضخمة عند بعض الناس لي كاتكون شخصيتهم ضعيفة تربيتهم فطفولة مختلفة على باقي الناس................ كانتمى تحاولي تفهمي لانني كانتعدب باش نكتب كون كنت كانهدر حسن راه بزااااااااااف ديال الافكار ماقدرتش نوصلهم المهم ياربي تفهمي شي حاجة من لي قلت

وي راني فهمتك مزيان اخويا ,,, غير فاخر نقطة قلتها انت غادي نعطيك مثال لي هو انا ,, انا كنت عادية جدا فالطفولة ديالي وفجاة واحد المرة كنت عاد صغيرة بقيت كنقلوهم غادي نموت ؟؟ كلهم تعجبو فيا وحتى انا تعجبت فراسي المهم داوني عند شيخ قرا عليا وبريت الحمد لله ,,وقالهم عين ,, وانا نسيت داكشي ومكنتش اصلا عارفة داكشي غير فين ما داوني راني فيه ,, واحد المرة كنت نلعب مع البنات وفرحانة عادي واحد شويا وانا نحس بانني فصلت عن جسدي وبانني احلم وكنشوف فبنادم ومحلوعة وكيحسابني غير كنحلم و من تما واانا فيا اختلال الانية ملي راني صغيرة ,, ايوا دابا فين هوما المشاكل ؟ فين الصدمات ؟؟ فين الافكار ؟؟ شفت راني قلت لك انا كنت فرحانة وعايشة حياتي وماكن عندي لا مشاكل لا هم يحزنون ,,وكنت عااد صغيرة فين غادي نعرف الامراض النفسية ؟؟

اختي راه ممكن يكون وقع ليك خلط في كيمياء دماغ ديك الساعة ماشي بعيد زائد الخوف او من تماك اصبح عندك مخزون افكار يتعلق بذالك الحادث اوبقيتي فخوف


اختي راه كاين شي مسائل جزئية في حياة الانسان مايمكنش نهدرو عليها دابا راه اشياء بسيطة كاتطرا كايكون عندها دور فداكشي لي وقع ليك عموما نتي لي غادي تعرفي راسك او نتي لي غادي تلقاي تفسيرات اخرى لداكشي لي طرا لييك كيفما لقيتها انا و تحسنت فحياتي كلها الحقيقة اختي راها ماشي وحدة راه كاين مجموعة اشياء بعيدة علينا ماكنقراوهاش

المهم تعمقي في االبرمجة اللغوية العصبية او غادي تفهمي بزاااااااف ديال الحوايج


ياربي تعيشي مرتاحة فحياتك او تعيشي او نتي كاتعرفي الجسم ديالك مزيان او كاتحكمي فيه راه اغلب البشر ما عرفين تا زفتا على داك الجسم لي عطاهم الله عايشين فحال الحيوانات ههههههههههههههههه

المهم راه يدي تقالت او جاتني الدوخة من كثرت الكتبة لوووووول

يمكن خلط في الكيمياء لاني متاكدة كنت طبيعية جدا وحدث دلك فجاة ,, وشكرا على المعلومات ان شاء الله غادي نبحث على هاد الكتب باش تثقف راسي فهاد المجال ,, متغيبش عليناا وتهلا فقرايتك ههههه

هههههههه واخا اختي

المهم اختي ديري فبالك ان اي حاجة عندها تفسيرات اخرى ولاكن حنى كانفسرو الاشياء بداكي لي في المتناول ديالنا الى زيرنا ريوسنا او وسعنا داك الدماغ او مشينا قرينا كتب و بحثنا غادي نلقاو تفسيرات منطقية اكثر

المهم انا نمشي نعس تصبحي على خير او تهلاي فراسك

ان شاء الله ههههههه هاد الدماغ خصو يخدم مزيان هههههه ,,,تهلا فرااسك وفقرايتك ومتغيبش

السلام علكيكم ورحمة الله وبركاته
كيدايرين خصوصا الطائر و وردة ا الاخت هل انا موجودة عندي في الفيس كنسولها مرة مرة
بغيت نقرا دكشي لي كتبتو لكن مقدرتش كثيررررررررررررررررررر دكشي
الله يحفظكم

واهلااااااااااااااااااااااااااااااااا بصاحبي و خويا الحلم السامي

وتا كيداير يا هاد الراجل هههههههههههههههه توحشتك اصحبي،،،انا بخير الحمد لله

او نتا اش كاتعاود؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟