تجاربكم مع ادوية الرهاب وخصة الافكسر

تجاربكم مع ادوية الرهاب وخصة الافكسر

اخواني واخواتي في هذا النتدى السلام عليكم ورحمة الله وبركاته
وكل عام وانتم بخير
الحقيقة هذه اول مشاركة لي في هذا المنتدى واتمنى تنوروني وتتقبلوني بصدر رحب
من خلال قراءة مشاركاتكم حول ادوية الرهاب لا حظت ان البروزاك والسيروكسات و الافكسر هو اكثر ما تتحدثون عنه وبصراحة انا جربت السيروكسات والبروزاك وما لقيت نتيجة يمكن لاني ما استخدمتها لفتره طويلة ولاني ايضا امل بسرعة واوقف العلاج من تلقاء نفسي ولا اراجع الدكتور يعني استمر سنة اوسنتين بدون علاج وبعدين ارجع للعلاج مرة اخرى وهذا اللي حصل معي الحين قررت ارجع للعلاج وراجعت دكتوري ووصفلي افكسر لاني ماجربته بس انا حاس اني مو مقتنع لاني لا حظت من مشاركاتكم ان السيروكسات فا د كثير منكم فمن خلال تجاربكم وش تنصحوني فيه وبرضو وش رايكم في الافكسر اذا في احد جربه واخيرا اتمنى ما اكون طولت وثقلت
عليكم وانا بانتضار الرد
وتقبلو تحياتي

المصدر: نفساني

اخي انا نصحك بالسيروكسات فهو علاج ناجح حتى الاطفال يستخدمونه

ممتاز جدا واعراضه طفيفه جدا بس بقولك شغله لاتاخذه من تلقاء نفسك لازم دكتور يوصفه لك والجرعه اللازمه وايضا يمكن تحتاج معاهه علاج (مهدئ مثل لكسوتانيل) حتى يمشي العلاج معاك صح بجسمك وبعدين بقلك شغله السيروكسات علاااااااااااج اما الكسوتانيل فهو مهدئ وليس علاج بس اكثر الاطباء الشطار يظيفون مثل هذه الادويه المهدئه مع العلاج السيروكسات وغيره من الادويه عليك بمراجعة الدكتور وشرررررررررح حلتك عنده بدون اي خجل واذا خجلت من الدكتور تراك ماراح تستفيد لازم تقول لدكتور وش المشاكل التي مرة عليك منذ الصغر الى عمرك الان حتى يعرف الدكتور وش تعاني منه اما اذا اخفيت على الدكتور بعض الاشياء والتي انت تعتقد بانها محرجه لك امام الدكتور فماراح تستفيد اي شئ حط كلامي براسك لابد ان تخبر الدكتور عن كل شئ واي موقف حصل لك بالحياه وانا انصحك بالدكتور طارق الحبيب فهو موجود بمدينة الرياض
حيى العليا شارع التحليه في مركز النخبه الطبي الجراحي احجز معاه موعد اخي وتوكل على الله فهو دكتور مشاء الله عليه رجل ونعم الرجال

أخي جسار كيف الحال؟
انا كمان هذه اول مشاركة لي في الموقع و اتمنى انكم ايضا تتقبلونى وصدر رحب
اما بالنسبة لتجربتى الشخصية مع السيروكسات انه انا اعرف زميلة لي كانت تستخدمة , و بعد شهر تقريبا لاحظت الفرق الكبير انها اتحسنت ..و بعد تقريبا سنة و (انا اعتبر نفسي من الشخصيات الخجولة جدا ..او بمعنى اصح انى مصابة بالرهاب الاجتماعي) قررت اخذ الدواء بنفس تدرج الجرعات اللى كانت بتاخذة , وابتديت بحبة وحدة في اليوم ... وعينك ما تشوف الا النور...
دوار وغثيان و ثقل في الجسم و خمول في العقل و تلبد الاحاسيس ..الى ثانى يوم
و لمه اتاكدت انة من العلاج ..قررت اوقف وانى ما استخدم اي شيء الا باشراف طبي

اول شيء اعتذر عن تاخري في الرد وشاكرلك اخوي الصقر الابيض واختي
greeny plant77 على التواصل والرد علي ويا خوي الصقر الابيض بالنسبة للاستشارة انا فعلا راجعت دكتور ووصفلي الافكسر والحين وصلت للحد الاعلى للجرعة وهو 4حبات يوميا بس اللي انا ملاحظة اني قبل العلاج كنت افضل فوش تنصحني اخلي الدكتور يوصفلي سيروكسات واذا كنت مجربه ممكن تقولي تجربتك معاه وكيف تحسنت واسف علىالاطالة

اختي greeny plant77 شاكرلك على التواصل بس سؤالي صديقتك الحين لها سنة مستخدمة العلاج وتحسنت تمام والا شوي واذا انك استخدمتي السيروكسات بنفس الجرعات اللي اخذتها ليه ماصار معك زيها وايضا ماراجتي دكتور واسف على الاطالة

الافكسر اتعبني جداُ

هلا بك اخوي حالة خاصة بس ممكن تقولي وش الاعراض اللي صارت معك وكم لك تستخدمه ومستوى التحسن وشلون وكم الجرعة

دوخة * جفاف الفم * قلق

لكن كل حالة تختلف عن الآخرى لابد من متابعة الطبيب

ما اعرف عن الافكسر
بس السيروكسات الغالب فادهم وانا منهم
لازم تستمر على العلاج فترة اقلها سنة وبعدين تحكم على النتيجة
الصراحة هو روعة
انا استعملته سنة وزيادة
ساعدني في اتخاذ قرارات حاسمة في حياتي
في اكمال دراستي
وانجاز كثير من الامور المتوقفة بسبب الاكتئاب والرهاب
وقبل اشهر بديت احس ان مفعوله ضعف معي وهذا طبيعي لاني تعودته وصار يحتاج لزيادة جرعة / كمان لان ظروف جدت وتعبتني فتدهورت حالتي / يعني السيروكسات ماله ذنب

المهم
الان وبفضل من الله استغنيت عن العلاج واقاوم ظروفي بمفردي
لكن
لاأنسى اني داومت على العلاج سنتين كاملة ونصف تقريبا
نصها بروزاك ونصها سيروكسات

اتمنى انك تبادر باستخدام العلاج وتثق فيه وتستمر عليه حتى تستطيع تغيير شخصيتك والتغلب على ظروفك بمساعدة العلاج
وساعد نفسك وانتشلها من قاع الضعف حتى يصير العلاج بالنسبة لك مجرد داعم مو هو الاساس
تمنياتي بشفاء عاجل

السلام عليكم ورحمه الله وبركاته؟؟؟؟؟

اقول وشي السالفه الحين؟ يعني كل دواء ناخذه لازم يكون فيه اضرار جانبيه ؟

وجع ماصار دواء

بقولكم عن قصه شخص قصه قصيره ماودي اطول في الكلام

واحد من الشباب عنده حاله حزن وكآبه راح الى الدكتور وكشف عليه بعد الحوار اللى صار بينهم صرف له علاج الصراحه لااذكر اسمه المهم بدا يتعاطى العلاج وبعدها انهمرت عليه المصائب جفاف في الحلق توتر وقلق (على فكره اول ماكانت فيه مشكله القلق والتوتر)اظطراب في النوم خمول قله النفسيه في الاكل تساقط الشعر النسيان وتنميل في الجسم وامساك شديد في الا سبوع مرتين كوابيس في النوم والكآبه لم تتغير حتى الان الا قليل او بعض الشي وله حتى الان سنه ونصف على هذا الحال كل شهر مرتين رايح للدكتور ووطالع من الدكتور صرف فلوس مراجعات وهم وغم والمشكله ما بقدر يترك العلاج ولا وده يستمر في العلاج المسكين مدري ويش يسوي اول كانت مشكله حزن وكآبه الحين امراض باطنيه وعصبيه ووتوتر وقلق وضيف بال سؤال للمره المليون؟

هذي الا دويه هل هي عباره عن مسكنات ؟ وهل المرض النفسي بأي نوع من انواعه مرض مزمن يلازمك طول حياتك ؟؟ ولماذ هذي الاضرار المتعبه عندما نستخدم هذي العلاجات؟


وهل المشكله في المريض لعدم تقيده بالعلاج؟ او لعدم شرح حالته جيدا الى الدكتور
او المشكله الكبرى في تشخيص الحاله وشكرا لكم

معاكم الشارع الامامي .... المملكه العربيه السعوديه ... الرياض
:) طالع كأني مراسل صحفي بالجمله الا خيره

ولا إطاله ولا شئ أخوي جسار , أنا كمان من زمان لي على المنتدى كنت مشغولة
سؤالك عن صديقتي اللي جربت السيروكسات , بصراحة انا ما أعرف بالتفصيل إذا كانت جاتها كل الأعراض الجانبية اللى قلتلك عليها أو لا .. يمكن بعضها , ( عارف لما الواحد يكون جنبك جالس مغثوث, و روحوا حتطلع ) .. هذا اللي أنا يمكن لاحظته عليها .. بس طبعا مو مني ... ( انا مقدرة ظروفها )..
و بصراحة كنت ألاحظها لما تقولي انها وقفت الدواء , تقريبا بعدها بفترة ( أسبوع ممكن ) بترجع حالتها و نفسيتها تتدهور ثاني .. أنا ما كنت بقولها .. الموضوع مرة طويل ..
المهم .. عني أنا .. لأني أعرف كمان انه هناك علاج سلوكي .. انا معتمدة عليه ..و مني ملاحظة اني محتاجة ادوية ولا شئ و الحمد لله .. انا الحين مشتركة في كثير من الانشطة , و شاغلة نفسي بأشياء مفيدة , تهمني و تهم مستقبلي و عملي و الله يوفقنى ..
وما ابغى أعيج معتمدة على دواء معين طول العمر - او فترة مرة زي كذة طويلة - عشان يظبط نفسيتي و يرسملي مستقبلي و تاريخ حياتي .. و الحمد لله انا الحين بنتعلم لسه من ذي الدنيا .. وهي كذا الدنيا تمشي .. نتعلم ونتخبط وناخذ دروس تطورنا في شخصياتنا .. و تدفعنا للأمام .. المهم الحياة ما توقف ..
و بالعكس كمان .. انه اللي حولي ما بيشوفونوا شخصية فيها رهاب بالمرة ..إلا احيانا بيشوفوني مرة اجتماعية .. و احيانا شايفة روحي .. انا بس اللى كانت نظرتي لنفسي كذة .. و المفروض ذي النظرة تتغير
و العموم .. انا ما بقول نوقف الدواء أو نمنعة .. انا بقول انه في وسائل اخرى للعلاج كمان احنا لازم نتبعها .. واذا احتجنا الدواء لا زم يكون تحت اشراف طبيب .. و انا مرة من مؤيدين جلسات العلاج النفسي .. و الاستشارات النفسية ,حتى لو في اللأشياء الصغيرة مرة, بنستفيد تجربة مرة حلوة بتدفعنا للأمام وتطورنا

السلام عليكم

ممكن توضحوا لي ماهو الرهاب الاجتماعي وماأعراضه؟ لاني الاحظ كثرة من يعانون منه وأخاف أكون منهم وأنا لاأعلم