|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
25-11-2019, 12:23 AM | #1 | |||
عضو نشط
|
احتاج نصايحكم حول حالتي جزاكم الله خيرا
السلام عليكم
ببدى بمشكلتي قبل سنه وشهور وانا طالع من النادي بعد ماتغديت وارتحت جاني صوت بالاذن زي الضغط وجفاف بالحلق وخفقان طلعت برى البيت الظهر وجالس امسك حلقي احس روحي بتطلع على طول رحت المشفى وسويت تحاليل وكلها سليمه بفضل الله سبحانه رجعت البيت وتعبت ورجعت المشفى وتخطيط قلب وتحاليل دم والحمدلله سليمه جلست شهر وشوي وانا ما اكل نهائي الا سوائل لدرجة اني نزلت فوق 15 كيلو لاني اخاف اشرق بالاكل بعد ماحسيت بالجفاف بالحلق ، وطبعا طول اليوم المويه بيدي، وطبعا كل يوم بفراشي انتظر الموت وكل يوم اطلع مرض جديد بعد مالفيت كل المستشفيات ، رحت للطب النفسي ، وصرف لي الدكتور سبرالكس 10 م ودوقماتيل 50 مره باليوم ، الحمدلله تحسنت بعدها ، ورجعت اكل طبيعي وزاد وزني وكانت تجيني هالنوبات قليل ، ومره صحتني من النوم بس شغلت رقيه ونمت ،، والحمدلله من وقتها معاي ضيق نفس او بالاصح مو ضيق هو صعوبة التنهد يعني احس اني بحاجه اتنهد بالمره الاولى ماقدر واحاول ثاني وثالث حتى ماتنهد وارتاح ، عموما خلص علاجي وتركت الادويه شهرين وبعد الشهرين رجعت تعبت ورجعت لدوامة المستشفى، ورجعت لنفس ادويتي ، انا ماعندي مشكله بالادويه بالعكس ، ولكن شفت اني قادر اصببر بدونها . المهم استمريت ع الادويه شهرين تقريبا وجاني عارض اخر وهو الدوخه وطول الوقت طايح ، شعور اقرب ماله مثل شعور الصخونه ولما يدخلك برد بس مافيه صخونه ، رحت حللت كل التحاليل والحمدلله سليمه ، بس ان هالشعور مايخليني اروح واجي وخصوصا اني العب رياضه اضطريت اترك النادي اسبوع وصرت اروح على خفيف الاشيا اللي بسال عنها * انا تجيني نغزات جهة القلب لكن النغزات مو مؤلمه ولكنها تغث، سويت اشعه على الصدر والقلب وتخطيط قلب اكثر من مره وتحليل انزيمات القلب؟ هل هي كافيه، واللي فيني مجرد قلق؟؟ * الشي الثاني انا جاني عارض التنهد وتجاهلته النغزات وتجاهلتها ، لكن الدوخه اللي احسها صعب اوصفها تجبرني بس بكون بنسدح وماسوي اي مجهود؟ هل هي بسبب القلق؟ معليش الشغله كنها تحدي يعني يروح عارض ويجي اقوى منه :( * قبل يومين وانا ماسك الجوال وبنام ، جاني تنميل بايدي طبعا متعود يجيني بس يكون عادي خفيف بس تحرك ايدك يروح بس هالمره جاني تنميل قوي وتقريبا شعور اني بفقد ايدي او ماراح احس فيها ، شعور جدا مفزع بس ماطول معي بس جا معه قلق وتنهدات وومانمت الا الصباح ، ياترى وش سبب هالشعور؟ * تنصحوني ارجع لادويتي وارفع جرعة السبرالكس؟ لان حاليا قاطعه لي شهر من بعد ماجتني الدوخه وقفت الادويه لاني حسيت انها مافادتني ،، وبالاخير اعذروني على العشوائيه ولكن كل ماكتب اتذكر شي واعدل ، والله الاعراض متعبه لدرجه تحس انك تعبان ولو احد يسالك وش متعبك او وش تحس؟ تقوله مدري بس تعبان :( المصدر: نفساني
|
|||
|
25-11-2019, 07:01 AM | #3 |
عضـو مُـبـدع
|
اخوي عز الشمال
الف لا باس عليك طهور ان شالله قلت انك كنت متغدي وارتحت وبعدها جاك الإحساس أبشرك كثير يجيهم هذا الشي بعد الاكل اعتقد له علاقه بالمعده انا جاتني اول نوبه بعد الاكل ما اعرف ليش جاء ببالي جرثومه المعده يقولو تسوي هذي الأعراض لكن ما حللتها وكنت صغيره وقتها ما افهم الدوخه تعرف من ايش لانك قطعت العلاج انا زيك بالزبط كنت اخذ سبرالكس 10 ملي بس بعد ما حملت معدتي ما قدرت تستحمله وصرت اخذه في الاسبوع مره ومن بعدها والدوخه تترنح من خفيفه لشديده العلاج اعتقد تاخذه مدى الحياه كانه علاج سكر او ضغط لاحظ متى جاتك الدوخه اذا بعد ما وقفت العلاج فالسبب منه |
|
25-11-2019, 07:37 AM | #4 | |
عضو نشط
|
اقتباس:
خصوصا اني تحسنت من هالناحيه بعد العلاج والحمدلله |
|
|
25-11-2019, 07:41 AM | #5 | |
عضو نشط
|
اقتباس:
لكن المشكله جتني الدوخه وانا مستمر على الادويه صار لي شهرين تقريبا يعني لو جتني بفتره قطع العلاج ممكن اقول السبب لاني قطعت العلاج وبالنسبة لجرثومة المعده سويت تحليل عن طريق النفخ ، والحمدلله سليم ،، شاكر لك مرورك اختي |
|
|
25-11-2019, 08:44 AM | #6 | |
عضـو مُـبـدع
|
اقتباس:
الدوخه اذا كانت مع العلاج ممكن تكون شي عضوي يعني ممكن تكون من الأذن او الرقبة او الغده اومن العين الجوال اذا تستخدمه كثير راح يسبب دوخه وإزعاج للعين من الأضواء القويه اذا تقدر تأخذ علاج للدوخه جرب انا علشان اخاف من العلاجات فما اخذ للأسف والله يمدك بالعافيه |
|
|
25-11-2019, 01:32 PM | #7 |
عضو نشط
|
مساء الخير
الف سلامه عليك الدوخه من اعراض الهلع الجسديه انت محتاج ترفع جرعه السبرالكس لان جرعه 10 بسيطه استشر دكتورك وراح تدعي لي الهلع مصيبه كاسر للعزم كل اللي ذكرته هلع100% |
|
25-11-2019, 02:38 PM | #9 |
عضو نشط
|
ياهلا والله بالحائلي ، ان شاء الله استشير الدكتور وارفعها ،
لان احس جرعة 10 ، تعود عليها الجسم شاكر لك مرورك اخوي والله يديم علينا وعلى الاخوه العافيه والطمانينه واتمنى من الاخوان يردون على اخر نقاط ذكرتها ، فيه اعضاء قدامى لهم خبره والكل فيهم الخير والبركه ان شاء الله |
|
25-11-2019, 08:48 PM | #10 |
عضـو مُـبـدع
|
السبرالكس مو بنادول تاخذه وتوقفة
انتبه وانا اخوك ذا يعمل علي البناء الكيميائي لازم تستمر على نفس الجرعة وبنفس الموعد فترة ٣ شهور وبتتحسن لاتوقفه من كيفك خطأ كذا واذا تحسنت استمر مو توقفة |
|
25-11-2019, 11:31 PM | #11 | |
عضو نشط
|
اقتباس:
البقى شف جرعه 10 تمهيديه محتاج ترفعها انت ضروري جداً 10 ماتسوي شي اسالني واستشر دكتور وصدقني يبي يرفعها او ناوي يرفعها لك بموعدك الجاي عنده بخصوص جفاف الحلق نعم من اعراض الهلع والله اني كنت ولازلت م اطلع لي مكان الا قاروة الماء بيدي ي شيخ لو للمسجد اخليها بمخباي صح تشافيت ع العلاج الحمدلله بس م زلت اخذها كل الاعراض اللي ذكرتها مرت علي واكيد مرت ع جميع الاعضاء هنا وغيرها الكثير الكثير من الاعراض |
|
|
30-11-2019, 11:28 AM | #13 |
عـضو أسـاسـي
|
العلاج لازم تستمر عليه مو اقل من ٦ اشهر وماتوقفه فجأة او بكيفك لان راح تنتنكس أقوى من اول ولازم تتابع فيه مع الطبيب النفسي اللي وصفه لك.
انا استخدمت السبراليكس سنتين تقريباً |
|
09-01-2020, 08:10 PM | #14 | |
عضو فعال
|
اقتباس:
بس الوسوسه والهلع حطو جدار ضخم مقدر مقدر مقدر يمكن انهار |
|
|
09-01-2020, 11:02 PM | #15 |
مراقب إداري
قيثارة الروح 💔
|
الف سلامه عليك اخي انصحك انك تهدي بالك وتحاول ما تقلق
مادامك مسوي تحاليل وكلها سليمة الحمدلله، حاول انك تشغل نفسك وتفكيرك حتى ما تظل تفكر في الاعراض وتقلق منها وتتطمن انك بخير باذن الله تعالى .. |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|