مواقف أثرت فيني للأسوأ

مواقف أثرت فيني للأسوأ

السلام عليكم ورحمه الله وبركاته
اللهم صلي وسلم على محمد

فيه مواقف أثرت فيني للأسوأ بعدما كنت طفل ومراهق تقدرون تقولون مشاكس بس بنفس الوقت مؤدب
كنت جرئ جداً وواثق من نفسي ماشاء الله عليّ .. كان لي أصدقاء كثيرين بالمرحلتين الطفولة والمراهقة خصوصاً المراهقة كنت جرئ وواثق واجتماعي جداً
كنت اروح اي مكان .. اروح اماكن بعيدة على رجولي .. العب مع الاصحاب كورة بالحارة .. اروح معهم لاي مكان ونلعب كورة .. نزور بعض .. اجتماعات
يعني ماكنت اعاني من اي خجل او قلة ثقة في النفس او اي رهاب لا من بعيد ولا من قريب

صارت مواقف أثرت على شخصيتي ونفسيتي للأسوأ .. وخلتني منعزل وانطوائي وتفكير سلبي طوال الوقت .. ورهاب اجتماعي .. وخجل
المواقف الي صارت لي هي :

والدي شافاه الله مسحور بشهادة أكثر من شيخ .. وبنفس الوقت السحر هذا ترك آثار نفسية قوية فوالدي زي الوسواس القهري والاكتئاب والقلق والخوف وانعدام الثقة
المهم .. في أولات السحر كان تعبان جداً .. وكان عايش عند أمه .. المهم اقدم على الإنتحار واسمع صريخ واصوات ناس واروح اجري
لقيت ابوي كله دمان وعمي ماسك عصى ويسب فأبوي وكل الجيران والناس مجتمعين يتفرجون بس .. وجدتي وعماتي يصارخون صراحة موقف لا يحسد عليه
وانا كنت مراهق اصبت بالصدمة النفسية وصابني تشنج بمكاني ماقدرت اتحرك .. رحت اجري لابوي وكله دمان وجات الاسعاف ولحقوه على النهاية الحمدلله
والمسعف قاعد يساعد ابوي كان واقف جنب المسعف ورا ابوي زوج عمتي ويسوي حركة للمسعف بان ابوي خبل مجنون هالحركة اقهرتني بس كنت مراهق مابيدي حيلة وفبداية المراهقة كنت يعني صغير
والقهر ان الحركة ذي سواها قدام الناس والاقارب والعمان ولا واحد من العمان نطق بحرف وهم جالسين بس يتفرجون وانا قاعد اصيح واطالع فابوي والكل يطالع فيني بنظرات حزن
بعدها يوم شالو ابوي الاسعاف جاني ولد عمتي وقال ان عمي ضرب ابوي قدام الناس بالعصى انا هنا اصابني اغماء وطحت بالارض مغمى علي من قو القهر والغبنة والصدمة من المنظر الي شفته
صحاني بعدها ولد عمتي زي 10 دقايق ونزلت البيت
بعدها بكم يوم رجع ابوي البيت بس مرات ابوي تجيه الوسوسة ويتعب كثير ولازم يروح للمستشفى وهو يرفض فجدتي تتصل على عمي تخليه يودي ابوي للمستشفى
والله يهديه ذا عمي ماعنده اسلوب مع انه اصغر من ابوي وهو نفسه الي ضرب ابوي قدام الجيران والناس المهم يوم اخذ ابوي للمستشفى ياخذ ابوي بالغصب بالتكتيف
ينادي اصحابه زي 4 وهجوم على ابوي ويكتفونه ويودونه للمستشفى .. يوم اشوف ابوي بهالموقف حالة ضعف انهزام مايقدر يسوي شي اقعد اصيح وانا صغير بنفس الوقت يعني مابيدي شي
يوم عمي يشيل ابوي من بيتنا هو واصحابه ويجون بعض الاقارب من بعيد زي اخوان جدتي بس يتفرجون مايسوون شي انا دمعتي واصلة لخدي وجههي احمر مد يده عمي بيسلم علي
انا اطالع فيه بحقد وينافخ يقول سلم على عمك ويجي اخو جدتي يقول خلاص اتركه يكبر ويعقل !!
فخلاص من بعدها صارو يقولون الناس ابوه جى بينتحر ابوه بغى ينتحر ابوه اقدم على الانتحار البزران يقولون لاخوي الصغير ابوك قطع نفسه بالسكين
فخلاص تعبت نفسيتي وحالتي حالة وعندي عمان بس الله يهديهم ولا واحد فيهم حاول يساعد ناقصكم شي لو مساعدة معنوية لو بس زيارة هذي تكفي بس للأسف
فهذا الي خلاني منعزل وتفكير سلبي طوال الوقت
الحين انا اصبحت شاب ولكن مازالت هذي الصدمات النفسية موجودة بداخلي

دعواتكم لوالدي بالشفاء .. وعدواتكم لنا باان الله يعوضنا ويرزقنا ويسعدنا ويحفظنا

المصدر: نفساني

كل زائر وكل عضو .. لا تبخلون علينا بالدعاء .. رد مو لازم ترد دعاء يكفي لو بظهر غيب والله يجزيك به خير

الله يشفي والدك يارب ويمدكم بالقوة والصحة والعافية

أنا انصحك لاتنعزل دور لك اصحاب في محل الثقة اشك لهم وخلهم يمدونك بالقوة

اطلع ووسع صدرك حاول تفكر بتفكير أيجابي وان هالشي صار لك وانت مراهق يعني اكيد شخصيتك قوية وعقلك اكبر من عمرك

ووقف مع اخوانك وساعدهم وان شاء الله كل شي راح يتحسن ويكون افضل مما تتوقع وتاكد ان كل شخص مرة بتجربة يمكن نفسك او اعظم منك

اجتهد وتوكل على الله ( من توكل على الله فهو حسبه )

والله يعينكم والجميع ويرزقنا بالصبر :)

اسال الله العظيم رب العرش الكريم ان يشفيك ويشفي والدك يارب
كل الامراض النفسيه سببها تراكمات
وصدمات في الصغر عندما يكون الإنسان عاجزعن الإدراك والفهم والتصرف
ولكن يا اخي حاول تواجه الحياة بكل ما بقي لديك من قوه ولا تستسلم فمسؤوليات الحياة كثيره وصعبه وتحتاج إلى من يجابهها
أعانك الله وحفظك ولا تنسى الدعاء والقرآن إنه شفاء لكل داء

الله يشفيك يا اخي الكريم و يعافيك و يرفع البلاء عن الوالد

الصدمات التي يتعرض لها الفرد خاصة في الصغر يكون لها تاثير في بناء الشخصية و على النفسية

لانها تترسخ في العقل الباطن

ربنا كريم يا اخي .. و ما جعلنا نعاني اليوم غير كثر الصدمات بالحياة

الله يرزقنا الصبر على البلاء و اليقين و حسن الظن

دعواتي لك لكن لا تترك حالك تسوء

خذ بالاسباب و استشر اخصائي نفسي يمكن تلاقي حل لعذابك هذا باذن الله

ما التعامل الأمثل الأقارب ذولي ؟ اللي سببولنا مشاكل كثيرة ؟ مثل ماذكرت بالموضوع ؟

قال تعالى:

(وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ). (فصلت:34).

اصبر على اذاهم و حاول تحسن اليهم يمكن يغيروا معاملتهم لك و لوالدك

ادعي الله ان يهديهم و يجمع شملكم على الخير ..

استغرب فعلا لماذا اصبحت قلوب البشر في هذا الزمان كالحجارة حتى الاقارب الذين تربطهم مع بعض صلة الرحم يقسون على بعض.. لا حول و لا قوة الا بالله

الله يرفع عنك يا اخي و يشفيك و يشفي الوالد الكريم ..اسال الله ان يفرج همك و يرفع عنك

جزاك الله خير ..
ممكن يا اختي أمـل تحذفين الموضوع هذا مو تقفيله حذفه نهائيا بارك الله فيك وشكرا

هناك عقار خاص بالصرع ويعمل على القلق ايظا و اسمه «لاميكتال» بعد اسبوع تكون منطلق واكثر حيوية خذ جرعة 50mi في بداية الامير اصبر يومين وشف وضعك بتخليك تروح لكل ماتريد. والميزة الاخرى لايؤثر على الجنس او تغييرات الوزن.
ثم بعد اسبوع او اقل بيومين ، تزيد في الجرعة لتصبح 100ml ، هذا وهو متوفر في الصيدليات كلها اما ، العلاج الاخر ولكن لابد وصفه طبية المهدئات بوصفاتها المعقدة.

تمنياتي لك بالشفاء العاجل

بقولك شي ياخوي ,, انت مالك ذنب باللي حصل فلا تجازي نفسك بالافكار السلبية وتعيش بعزلة وانهيار داخلي ,, لا اطيح باخطائي واخطاء غيري لاننا تاخرنا كثير لين ما بدينا برحلة العلاج .

اعتبرني اخوك الكبير مع اني مب اكبر منك بكثير لكن صدقني ان استمريت على هذا الحال حالتك راح تزداد سوووووء ,, بالعربي تلاحق عمرك واقصد بهذا انك تخلي عندك افكار ايجابية , الحياة قدامك وانت في اول العمر ... يعني فكر معي اذا رب العالمين مد بعمرك الى ال 70 , تعيش هالسنين كلها وانت تعبان نفسيا ومب حاس بطعم الحياة .

يا اخي الناس اتركهم صدقني والله ثم والله لو انك انسان مستقيم يعني قل معصوم عن اي خطاء مستحيل الناس تسكت عنك , لابد يدورون على اي شيء يستغلون فيها ضعفك .

ركز بدراستك , سكّت الناس من خلال نجاحك وتفوقك ,, الجم السنتهم بالنجاح ... لا تخلي نفسك ذليل او الناس تنظر لك بنظرة شفقة لا انت رجل .


وجهة نظري لمتواضعة ومن خلال ردك ما احس انك تحتاج الى ادوية نفسية انت تحتاج الى شخص يسمعك , جرب العلاج السلوكي وشوف نتايجة وبنفس الوقت انت اشتغل على عمرك حاول تصارع هذي الافكار .


صحيح الكلام سهل والفعل صعب وانا فاهم هالشي لاني امر فيه حاليا , لكن حط نفسك مكان الهندي اللي يكرف ليل ونهار تحت الشمس تتوقع عنده وقت للاكتئاب ؟ الاكتئاب ياتي من الفرااااااااااغ .


قاتل الله الفراغ ,,, املي وقتك باي شي مفييييييد لاتترك للفراغ فرصة يلعب بمخك .


الله يوفقك ويسعدك وربي يشافيك ويشافي ابوك .

والله ماتنلام ياخوي وانا وضعي قريب من وضعك انا ابوي شفته يموت بين يديني طلعت من المستشفى زي المجنون ابكي

والاصعب من كذا ان الاقارب للاسف ماحد وقف معاي في هالازمه الصعبه وماعندي حتا اخوه كبار يوقفوا معاي فنفسيتي تدمرت بقووووه انعزلت سنوات بسبب الصدمه والاكتئاب

عموما لاتهتم في احد ماعليك من احد حاول تعالج نفسك اذا بادويه اكتئاب او اي شي المهم لاتقعد كذا