والله العظيم محتاج لمشورتكم ونصيحتكم

والله العظيم محتاج لمشورتكم ونصيحتكم

يا اخوان انا اليوم رحت لدكتور عشان يغيرلي العلاج لان مسببلي مشكله حساسه شوي وبنفس الوقت معاد منه نتيجه لي اللي اهو علاج الفايفرين 00 نفعني بالدايه بس بعد مرور4 شهور ماحس بنفس النتيجه بالعكس بس خمول وخنقه ومااقدر اصرف اموري وذكرت هاذا للدكتور 00 صرفلي دوا لما قريت استخدامه انصدمت عطاني علاج حق
( الصرع ) اسمه نيورونتين 00 وبعد معاه علاج ثاني توفرانيل حق الاكتئاب 00 ياجماعه والله مصدوم وحزين وخايف من العلاج اللي لصرع الله يكفينا شره 00 انا فيني اكتئاب وتوتر ورهاب بس لله الحمد مافيني صرع والعايذبالله 000 قررت ما اكلهم 00
انا من الكويت والكويت صغيره ماعندنا دكاتره كثار اللي يعالجون بالأدويه هم فقط 2 الدكاتره اللي بالكويت والله مدري وين اروح ولا منين اجي 0 احس مصدوم وعاجز ياجماعه شسوي ماني عارف اعبرلكم عن اللي بقلبي من هم وضياع وحيره 00
الشكوه لله

المصدر: نفساني

حياك الله أخي حسن...


صحيح أن النيورونتين يستخدم أصلاً للصرع لكن له استخدامات أخرى كعلاج ألم الأعصاب وعلاج التوتر والمخاوف....استعن بالله وتناوله مع التوفرانيل...

هلا اخوي عمران شكرا علي ردك
بس مااخفي عليك خايف تكون له اثار جانبيه او يسببلي الصرع احس محتار
يا اخي انا صارلي اكثر من خمس سنين وانا اعالج بالآدويه والحمد لله علي كل حال
بس اول مره اجمع بين علاجين 00 اخر مره الي اهي فايفرين وزانكس 00 وقبله سيروكسات وزانكس وجذيه
00

اخي العزيز الخوف من الادوية هو جزء من المرض الذي تعانيه ، يجب ان تعلم هذا حتى يزول الخوف الذي عندك من الادوية واعلم ان غيرك كثير يجمعون احيانا بين خمس ادوية وما جاهم الا العافية وحصل لي كثير ان جمعت عدة ادوية بجرعات عالية ، لا تخف .

اما ادوية الصرع فعلم انها تستخدم لعلاج الاكتئاب وغيرة ، حتى ان بعض المرضى ينقشع اكتئابهم مع ادوية الصرع ولا ينقشع مع مضاد الاكتئاب ، وكان الافضل ان الطبيب المعالج لك يبين لك ذلك وهذا ما نعانيه صراحة من الاطباء يصرف الدواء دون ان يبين لنا ، فنخرج من عنده ونحن نشك فيه وهو اعلم منا .

طمن نفسك وتناول ادويتك كلها وعلم ان ادوية الصرع امنه جدا . وشي مضحك انها تسبب صرع وهي اساسا تعالجة !!!!!

ما هو العلاج الذي سبب لك ضعف جنسي ، المشكلة ان اكثر مضادات الاكتئاب تسبب ضعف جنسي لكن تختلف في قوة التاثير الجنسي .

الفولكستين( البروزاك) يعتبر اقل تاثير على الجنس

هل جربت دواء اورريكس دواء آمن جدا ومفيد للرهاب والاكتئاب والتوتر ولا يؤثر على الجنس اطلاقاً

هلا اخوي الحزين مشكور علي ردك الكافي والوافي 00
توني ماكل اعلاجي قبل نص ساعه علاجي الجديد اللي اكتبه لي الدكتور امس 00 البارح كنت مصدوم من دواء المعالج للصرع 00 اما اليوم توكلت علي الله وقلت ابي اجرب وعلي الله : )
اما سؤالك عن الدواء اللي جابلي ضعف جنسي ( تأخر القذف ) تحديدا جميع الادويه اللي استخدمها قبل السيروكسات السليباكس الزولفت 00 الفايفرين كان اخفهم بعراض الضعف الجنسي بس ماجاب لي نتيجه للمرض الاكتئاب والهلع 00 وغيرته وعلي الله

الحزين وينك ؟ ؟ ؟

صلي استخارة اذا خير لك تتناول هذا الدواء

هلا اختي هالة
انا قاعد استخدمهم صارلي يومين والله كريم 00 شكرا علي اهتمامك

اهم شي الــــــــدعاء
ادع ربك يكون سبب مبارك وينفع هذا العلاج
والله يفرجلك ويشفيك وجميع مرضى المسلمين .

امين يارب العالمين
شكرا لك غراس علي هاذه الدعوه الطيبه

الف لاباس عليك اخي العزيز

وانا اشوف ان اجابة اخي الحزين كافيه و وافيه توكل على الله فقط وهو خير وكيل

وابعطيك ان سمح لي موقع لدكتور و معالج نفسي يمكن يقدر يساعدك

هناك تقدر تساله اي سؤال وبتلقى عنده الجواب بأذن الله الي يريحك ويهيئك نفسياُ لتقبل اي علاج


http://www.dralhariri.com/part.php?partid=1&la=ar

اكثر الادوية مكتوب في النشرة للصرع بس مايسبب صرع كذب ممكن يكون للصرع بس ينفع في علاج حالتك انت ماعليك من اللي مكتوب بالنشرة

مساءات القري و التنومي :
شكرا لكم علي الردود وجزاكم الله خير

اخوي بارك الله فيك

ليش ماتجي لم السعوديه قريبه لم الكويت

فيه دكتور بالرياض اسمه طارق الحبيب