ماذا تفعل في رمضان العبادة ام المشاهدة

ماذا تفعل في رمضان العبادة ام المشاهدة

بسم الله الرحمن الرحيم
احب اخذ رايكم في موضوع تفرغ الناس للعبادة في شهر رمضان
احنا امتحاناتنا الشهرية في رمضان وتلاقي اغلب البنات ما يشاهدوا تلفزيون إلا ما قل وندر ويتفرغوا للمذاكرة ( طبعاً بمستويات متفاوتة ) بس ما ألاقي هالتفرغ لما يكون الموضوع متعلق بالعبادة من معضم الناس عامة مو بس البنات إلا تلاقيهم قاعدين قدام التلفزيون ومن مسلسل إلى مسلسل لا يكلوا ولا يملوا رايح مشاهدة مشاهدة وعبادة ربهم ما يدروا عنها
اقصد العبادات المستحبة مثل قراءة القرآن( والكل يعرف ثواب قراءته خصوصاً في هالشهر الكريم) والصلوات المتحبة مثل صلات الليل دام انهم يسرون للفجر( بس هم ما عندهم وقت طول اليوم مشاهدة والمصيبة انهم مو حاسين انهم مقصرين في عبادة ربهم )
والسؤال المهم اللي يطرح نفسه
من المسؤل عن هالغفلة هل الممثلين اللي يتسابقوا سباقو بالشبقة (الهواش )كل واحد يبي ينزل عمله في رمضان لين كثر عدد المسلسلات بشكل غير طبيعي كل شوي تشوف اعلان عن مسلسل غير شكل لا ولو النصوص عدلة كان ما في الدنيا قهر إلا نصها اتحس ان ما لها معنى( الحمد لله والشكر) والناس لما يشوفوا هالمسلسلات بيشاهدوها وش وراهم خليهم يتسلوا شوي (قصدي واجد)
أو من المشاهدين اللي يبدوا استعدادهم انهم يشاهدوا اي شي وفي اي وقت ( ما شاء الله عليهم متعاونين) ولما يشوفوا اللي يعملوا في الوسط الفني هالإقبال الغير طبيعي من الناس على المشاهدة في شهر رمضان ( اللي المفروض يكون للعبادة ) كل واحد بيتشجع وبنزل ليه مسلسل جديد عشان يزيد شهرته بين الجمهور
ولا انشغال الناس بملاهي الدنيا وابتعادهم عن عبادة ربهم بعني بالعربي ضعف الوازع الديني
ولا في سببغير هذيلا الأسباب

المصدر: نفساني