قصــــة شفــــــــآآآئي من الاكتئـــــــاب الشــــديــــد .. - إن مع العسر يسراً -

قصــــة شفــــــــآآآئي من الاكتئـــــــاب الشــــديــــد .. - إن مع العسر يسراً -

السسسلآآآم عليـــكم ورحمة الله وبركـــــاتةة ....

ي صبـــآح الورد والأمـــل والتفائل .. والحياة الحلوووة اللي تنهي شي اسمــه اكتئــــــــــــــــــــــــــاب ..,

بالبداية حقيقة ترددت قبل أكتب لكم قصتي لكذا سبب , وأهمها أنو ممكن قليل اللي يقتنع بكلامي وممكن يشوفونه مو مرض نفسي اصلا ويفسرون قصتي لتفسيرات مختلفة

وحاولت أكثف ردودي بتجربتي بالعلاج باختصار واعطي الزبده .. بس قلبي ماطاوعني صراحة أبيي اللي مرييييت فيه يوصل لكل أعضاء وعضوات نفساني ..

إن شاء الله يكون فيه نفع وأكيد أكيد فيه حالات نفسي لأن وضعي منتشر كثيرررر .. يهمني تقتنعون قبل ثم تجربووون والنتيجة بترضيكم أنا واثقة

أبدا بسم الله .. أنا بنت ببداية العشرينات عمررري .. بدأت الاعراض معي من عمر 13 سنة .. وكانت بالتدريج أعراض غريبة عجيبة ومع الوقت تزيد وتزيد وتزيد

الحمدلله على إني كنت طفلة بس أحس باأمل مالي قلبي أن بكرا بيتغير وضعي اللي مدري وش هو أصلا !! بس اللحين اكتشفت ان هالامل من ربي تصبير لحالي

مرت السنين وكل مامرت سنة زاد وتأزم وضعي إلى أن اعتزلت الناس خير شر ماأشوفهم ولا أطيقهم ولو قال لي قالو لي أهلي في عزيمة فيه ناس بيجون أختفي وأقفل علي الغرفة

أصرف نفسي بنام أو بكلم فلانة أو أو تصريفات ماتنتهي .. بديت معكم بالعززلة !! لأن الشخص لاوصل حاله انه يعتزل الناس وينطوي على نفسه خلاص هذا وضعه مشتد ومتأزم أقوى شي الحمدلله ..

وغير العزلة .. كانت دموعي ماتوقف والمحير انها بدون سبب جالسة مع اهلي اقوم بسرعة اركض واقفل الغرفة وابككككي بقووة ,, جالسة أكل اترك الاكل وابكي , طالعه مكان اتخبى وابكي .

بنام دموعي شلال على مخدتي .. الحمدلله ع كل حال .. وغيره كنت عصبية نار نار مااتحمل احد يقولي حرف الا انفجر واي شي يعصبني لو تاففففه وحساسة أي كلمة تبكيني ..

اووه هذا غير سوء الظن اللي مالي عقلي كنت أسئ الظن هذا يقصد وهذي تكرهني وهذا وهذي و..الخ .. كذا ببالي ان الناس كلهم شررر وحقودين ومايتعايش معهم الواحد

والله غصب علي .. مو لأن شخصيتي غبية او شي .. لا ممكن احتمال لانو تسلطووو علي وأذوني اذية مايعلمها الا ربي والغريب بدون سبب بعد .. أكون بحالي تجيني المشاكل من كل جهة

فلانة تضحك وفلانة تتمسخر وفلانه تصرخ وفلانة وفلان ... الخ .. مع اني كنت مشغولة بنفسي واعراضي وحيرتي .. بس سبحان الله ولعلها حكمة ربي والحمدلله ع كل حال

كنت بعد كلي خمووول ادنى ركة تتعبني وكأني شايلة جبل .. دايما كنت يانايمة ياجالسة بس حتى أذكر لما يروحون أهلي للسوق ورحت معهم أي محل يدخلوونه كنت أنبسط اني بريح شوي

يدخلون يشترون ويتفرجون وانا اجلس على الارض برا المحل لاني اتعب من أي حركة ومجهود .. // طيييب وش غيره اممم كنت دايما مترددة ومستحيل اتخذ قرار ابد ابد ..

عندي ضيق بالتنفس أحاول أسحب النفس عشان اتنفس يعني كتمةةة قووووية الحمدلله ...

بلخص اعراضي الباقي عشان أدخل بااهم شي وهدفي من الموضوع ..

باقي الاعراض .. ( ضيقة قوية , توتر , قلق , دايم حززينة ,, دايم أحس اني على أعصابي .. تعسر بكل أحوالي , انعدام التركيز , تشتت , خجل احيانا من الناس بدون مبرر _ صمت دايم , لعثمة بالكلام

لخبطة بترتيب وسرد الجمل والسالفة , انعداام الثقة بالنفس , النظرة السلبية للنفس والحييياة وتشائم فظيع وأحس الحييياة سوداء ومنتهية ومافي أي أمل فيهاااااا ..

نووومي طووويل أنام يومين متواصلات ماعندك مشكلة والغريب أقوم مارتحت وماحس اني اكتفيت او صحصت من هالنوومة الطويلة , الأكل برضو نفس الشي أكل ماحس لابطعم ولا لذه أي اكل

لو أكلت مثلا من مطعم اللكل أجمع انه لذيذ ودايخين على طعمه أنا أستغرب من كلامهم لأني ماأحس باي نكهة أحس بمجرد أكل يدخل يسد جوعي وبس .. الحمدلله على كل حال ..

كنت مهملة لنفسي ولشكلي ومظهري هذا اخر همي لأن ببساطة ماكنت أشوف الحياة شي يسوى أو شي له قيمه وأن لي هدف وغاية أو اني انسانة لي نفع ولي كياني ابدا ابدا ..

كان شكلي دايم مبهذل ونفسي براس خشمي ع قولتهم وياويل أي اد يكلمني أحس مالي نفس حتى أتكلم أو أنطق كلش .. صديقاتي تركتهم أو بالاصح أصرفهم لما يتصلو لأني مابغى صوت أي مخلوق يكلمني

أنبسط بالعززلة أحس هنا متعتي .. مع أني أجهل نفسي يعني لما أجلس لحالي ماكنت أفكر مثلا أو أسوي شي لان التفكير عندي معدوم ماقدر استرسل وافكر واجمع سالفة بمخي وافكر فيها بنفسي ابداااا

وماكنت استفيد من عزلتي باني اسوي شي وانجز واخطط وارتب شي ابدااا كذا دايم جالسة وصامتة والا شيء .. الحمدلله ..

طبعا هذي الاعراض كانت من عمرر 13 لحد ماصار عمري 20 .. يعني عشت مرحلة استنكار بالبداية بس مع السنوات صرت اعيش مرحلة التعوود يعني خلاص اعتدت على وضعي .. الحمدلله

لحد ماجاء اليوم اللي كنت أتصفح النت وفجاءة شفت موضوع أعراض الاكتئاب ماكان في منتدى نفساني .. لا المهم واقرا الاعراض وانصدم هذي كلها فيني يعني أنا فيني اكتئاب !!

ماكنت أدري وش فيني أجههللل وش فيني قريت الاعراض حسيت براحة اني مسكت أول الخيط وعرفت وش فيني حسيت اني ضايعة ولقيت ضالتي ..

وبحثت عن حل الاكتئاب شفت انه باادوية ياربي شلون ! يعني انا اخذ ادوية اااه كيف مدري كنت خايفة منها ومتوترة وحاسة اني بدخل عالم مجهوول وبتووه فيه بس مخاوفي كان فيه شي أقوى منها وهو وضعي

كان متأأزززم مررره وكنت ابي أي شي ينقذني ويطلعني من اللي انا فيه .. صراع نفسي بين الادوية وبين وضعي لحد ماستخرت ربي وناقشت الاهل ودوني لطبيية بالرياض وللمعلومية انا مو من الرياض بس اذكر كأننا سافرنا عشانها

وأدخل عليها ماكان يوحي بشكلها أي اهتمام للمريض ومراعاه لوضعه النفسي أتكلم بحماس كنت أحسب عندي أحد واعي وأتكلم وبعيوني الحيره فجأة يرن جوالها وتقولي شوي ماعليش قلت طيب وتكلم سواليف عن كل شي

فجاءة طرت سبحان الله وكأني مزهريه جالسة وتسولف وتضحك وانا ساكتة انتظر جت سكرت قالت اوه ماعليش قلت لا عادي .. رجعت اتكلم شوي الا يرن جوالها ثانية وتقولي ماعليش هذول الاهل من ديرتي تعرفي ومدري وش تخربط

وترد وتجلس ساعة تسولف وأنا أحس فيه شي غلط والله لو كنت بوضع نفسي كويس كان مسحت فيها البلاط قسم بالله وش قلة الادب هذي انا وضعي منتهي ونفسيتي زفت يوم اروح لها اخر شي تستقبلني ببرود وكل الوقت بجوالها

لكن ماكان عندي قوة أو طاقة اني اناقشها أصلا كنت أس بضعف داخلي قوووي وخوف يعني حتى جراءة أني اقولها شي ع اللي فعلها معي ماكان عندي .. المهم بعد ماسكرت تلفون جت قالت قومي على السرير ومشيت بضعف

قالت يلا استرخي وغمضي عيونك وانا بعد من واد لحد 10 ومدري وش تخربط سويت كل اللي قالته بس مانفعني ب ولا شي جت قالت يلا خلاص حتى والله ناسية هي صرفت لي ادوية او قالت تحتاجين استرخاء بدون ادوية

كان استقبالها غبي طلعت منها متشائمة أكثررر ..

وهذي الدكتورة كانت أول تجربة لي بالطب النفسي , طبعا حرمت اروح لها ثانية .. أموت ولا أروح لاهالاشكال .. فكرت ابث بالنت عن طبيبة ممتازة وأبحث وأبحث وسبحان الله كان البحث كله عن دكتورة وحدة

تحمست وشفت تجارب البعض معها قلت يلا بسم الله هذي هي اللي ابيها ويارب تزبط هالمره أخذت رقم العيادة ورحت وكان استقبالها هادي وحكيمة مره تكلمت عن كل اللي احسه وصفتلي ( لاميكتال + سمبالتا )

بديت فيهم ونمت أول 4 أيام نوم متواصل أقوم شوي وأطيح نايمة شي غصب ينومني وعرفت ان هذي الاثار الجانبية وأن كل علاج له اعراض جانبية .. غير الدوخة واعراض ثانية نسيتها حاليا ..

مر أسبوعين تقريبا مرت فترة وسرت أحس بتأثير الادوية خف الحزن والبكاء حسيت بطاقة وفرحة دخلت لقلبي حسيت ان العلاج النفسي كنز مرت سنتين لحد ماوصلت لاعلى جرعة .. كنت كل شهر أراجع اروح للرياض عشانها

ومع الوقت مددت لي كل 3 شهور عشان صعبة كل شهر مالقى أحد وتعب علي بعد .. أذكر يوم انتصفت بعلاجي عرفت نفساني وسجلت فيه بنك يعطيني أمل لبكراء .. أذكر أخوي العزيز الحزين ود رعد وكثييررررر اعضاء الله يسعدهم

صحيح مع العلاج ارتحت شوي أخر الوقت قبل اخذها كنت بوضع خلاص انتهييييييييييييييت اخر الوقت كنت جسد بدون روح .. صنم بدون احساس ولا كللام وماعرف نفسي حتى ... اذكر اخر فترة كنت لما بقول شي الكلام مايطلع احاول

اخر شي الاحظ ان شفايفي تتحرك بس بدون صوت اس صوتي خلاص انقطع ماات احاول فيه مافيه .. أذكر مره وحدة تسألني وبجاوبها والصوت معدوم وهي عصبت وتعيد كلامها وانا زي اللي نفسي افهمها اني مقدر اجاوبك

ياليت تنقلعين عن وجهي يكون أحسن .. يعني فوق ماان صوتي رايح هذي معصبة علي .. خيرر ياهوه .. هههه لاتذكرت هالموقف اعصب الاشعوررري .. بس يلا .. الحمدلله ع كل حال

ايه وأقولكم بعد ماختمت السنتين بالعلاج لاحظت شي غريب صح اني رجعت اتنفس الحياة بشكل سوي .. خفت الاعراض بس ماراحت !! مازلت أحس بضيقة ومازلت أحس بعزلة ومابي العالمين ..

واحترت يالله كيف كذا مو فيني اكتئاب واخذت علاج خلاص مفروض تروح العزلة وتروح الضيقة للابد .. وزات حيرتي وتساؤلاتي .. بس كنت اصبر نفسي ان وضعي ككل احسن من قبل وفيه تحسن .. خلاص نعمة

بس أحس ماقتنعت صح تحسنت بس ابي تنتهي الاعراض مرره .. .. !! ..

أكمل لكم بكرا ان شاء الله .. قصتي بتكلم فيها بالتفصيل الممل من الى .. وكله لصالحكم والله .. الله يسعدكم يارب يارب

تصبحون على خير .. أتمنى القى مشاهدات كثير وتفاعل أكثر .. أعطوني حماس _*

المصدر: نفساني

يبدو ان موضوع نفس موضوع الاخ الي نزلت موضوعه ياليت تشوفينه وكملي متابعين

اخوي منتضر شكرا ع المتابعة .. تابعني وراح تعرف ان شاء الله

هلا اختي او اخي
متابع معاك
عندي قناعة ان الاكتئاب مرض مزمن
الا ما شاء ربي
قسمي الاكتئاب الى انواع
شديد متوسط بسيط
لو وصلت للبسيط
الحمدلله وهذا شيء طيب كثير
واصلي واكملي
كنت قبل فترة اناقش اخي قسورة بخصوص هذا الشأن
وتيقنت الان ان الاكتئاب درجات
والادوية تخفف الاكتئاب الى درجة بسيطة

متابعين وننتظر البقية بشوق

المشاركة الأصلية كتبت بواسطة عبدالله ون

هلا اختي او اخي
متابع معاك
عندي قناعة ان الاكتئاب مرض مزمن
الا ما شاء ربي
قسمي الاكتئاب الى انواع
شديد متوسط بسيط
لو وصلت للبسيط
الحمدلله وهذا شيء طيب كثير
واصلي واكملي
كنت قبل فترة اناقش اخي قسورة بخصوص هذا الشأن
وتيقنت الان ان الاكتئاب درجات
والادوية تخفف الاكتئاب الى درجة بسيطة

أنا بنت =)

شكرا ع المتابعة ..

صحيح كلامك لو وصل للبسيط نعمة ..

بس أنا وصلت للاأفضل .. وماأخذ أي أدوية من سنة تقريبا

الحمدلله الحمدلله هذا بفضل ربي .. الله يتمم

انتظرووني ..

المشاركة الأصلية كتبت بواسطة ابوعمر المصري

متابعين وننتظر البقية بشوق

شكرآ ع المتابعة ..

شويات وأكمل

متابعيين لكي اختي

---

مرحباااا بالجميع .. لاحظت فيه نواقص حروف بالبداية لاتدققون رفض أعدل

ونكمل اللي وقفنا عنده .. يلا بسم الله احممم

-----

وزي ماقلت لكم أبلع من الحبوب وزدت الجرعات لاخر شي ومافي نقله قوية بوضعي يعني مافي تغيير مره مره أتمنى الاعراض تختفي وهذا ماصار ..

وأذكر وحدة أمون عليها قبل أبدا بالادوية ورحلة العلاج النفسي بكيت عندها مره وجلست أفضفض ولأول مره بحياتي أكشف المستور .. دايم مخبية بقلبي ومااتكلم

جت بعدين يوم بديت بالعلاج والادوية قالت تراني كلمت استشاري بحالتك وقال لي وضعها ماله الا تفسير واحد هي فيها حسد وعين والاحرى مافيها مرض نفسي

قلت ياحلوة وش الدليل !؟ قالت سألته وقال لي الفارق الوحيد واللي يميز بين المريض النفسي والمريض الروحي هو شي واحد بس (( كرره الصلاة وانك تحسينها ثقيلة ومالك نفس تصلين ))

قلت هاه !! طيب يعني أنا فيني عين وحسد ؟! ومافيني اكتئاب !!؟ ولا كيييييييييف تشتت زيادة واحترررررررررت .. بس كلامها ماخلاني أقطع علاجي وأدويتي ابدا مستحيل أخاف أتعب وينتكس وضعي

واصلت .. وكلامها ماسويت فيه شي يعني مارحت لراقي أو شي لالا ابدا .. كنت أخذ أدويتي وأمشي الوقت وزي ماقلت لكم العزلة والضيقة والتركيز ماتغير فيهم أي أي شي .. ولا تحسن ولو 1 % 100

إلى أن جاء ذاك اليوم اللي كنت فيه جالسة أتصفح النت وبمنتدى نسائي بحت شفت موضوع لوحدة تشتكي تعسر امورها وانها تعبانة واتجهت للرقية وتعافت وعشان أكون دقيقة معكم قالت انها سجلت بمنتدى

الشيخ عبدالله الخليفة للرقية وفتحت ملف طبي وتابع حالتها معالج متخصص أول باأول خطوة بخطوة لحد ماعدت 3 شهور بالعلاج وتعافت وهذي قصتها باختصار .. أن قريتها وارسخت القصة برآسي وبالذات منتدى الخليفة

وبنفسي ودي أسجل وافتح ملف طبي وأششوف وضعي يمكن تختفي الاعراض واتحسن صدق .. كان عندي عرض مره مأزم ونفسيتي اللي هو اضطراب او اختلال الانيه كذا عرفت اسمه من نفساني كنت أحس كأني بحلم

وحياة مو واقعية ومدري كيف شي غريب .. المهم مرت فترة وبنفسي هالشي أسجل بالمنتدى بس ماسويتها فعلياً .. وفي يوم من الايام قلت خلاص لازم أجزم وأسجل .. وفعلا فتحت المنتدى

وأول مافتحته فجاءة أعصاب راسي أحس فيها تنشد وتنشد وشي زي الضغط براسي .. استغربت قلت وش السالفة !! بس ماهتميت وكملت وسجلت وفتحت ملف طبي .. جاوبت على الاستبيان

وبدت رحلة العلاج بالرقية .. الحلو انو ماروح لشيخ ولايجيني شيخ لأن شغلانه صراحة يبغالي أحد يتفضى لي يوميا .. والدايم شديد زي مايقولون .. المهم بدأ المعالج يعطيني رقى تشخيص

أطبقها 7 أيام وأرجع له وأقوله وش حسيت الصدق من بديت أسمع للرقية كل يوم أحس بتعب وضيقة تخنقني مع اني أخذ أدويتي بانتظام .. بس ماكأني أخذها .. ضيقة تخنق وحزن وخمول

وتعععععب .. استغربت قلت والله صدق شكل فيني شي غير الاكتئاب .. بس شفت وضعي كذا قلت خلاص لازم أكمل وأشوف وش يصير لي بعدين كنت داخلة عالم الرقية والتحصين والاذكار وأنا مالي أي دراية او معلومات فيهم..

وكملت وأعانني ربي حبيبي .. كنت الاحظ نفسيتي كل يوم عن يوم تسوء وتتأزم الخمول الضيقة حدث ولا حرج .. مر شهر على شهرين على 3 على 4 شهور على 5 و6 و7 و8 وأنا متماسكة بالعلاج وأي شي يطلبه مني معالجي

أسويه على طول .. من حجامة من سنا مكي من تنويع بالرقى من عسل من عصفر من ماء زمزم من مسك أسود من زيت زيتون من أي شي وكنت زي التايه ولقى من يدلهه .. كنت طول الشهور أنام يوميا والرقية شغاله بصوت عالي

عشان التحصين مايختل ويخرب .. غير كذا كنت محافظة على أذكار الصباح والمساء بوقتهم زي ماوصاني معالجي .. وللمعلومية مازلت أخذ أدويتي النفسية .. ومستحيل كنت أفكر أتركهم ..

واخر مراجعة لدكتورتي زادت لي ( سبيراليكس ) قلت يلا ان شاء الله خير توكلت ع ربي وزدته لاادويتي - سمبالتا + لاميكتال - الموهيييم كنت أجمع بين العلاج النفسي وعلاجي بالرقية ..

وأثناء شهور العلاج بالرقية كنت أشوف جسمي فجاءة ألاقي فيه خدوش مدري من وين وماضربت شي ,, وكدمااات زرقاء وخضراء وموف برجولي ويديني غير الحبووب غير الخطوط البيضاء بجسمي كنتت استغرب

ولما كنت أكتب هالاشياء اللي تصير لمعالجي كان يستبشر خير ويقول ماشاء الله علامات استجابة وعلامة خروج وتحسن .. كنت اقرا وأنبسط بس ماوصلت للشفاء الى الان ..

وصلت للشهر التاسع وأنا أتعالج بالرقية والبرامج العلاجية .. لكن خلاص أحس طاقتي انهارت وحيلي انهد كنت أحس خلاص تعبت من العلاج .. أبي اعرف وش النهاية وش بوصل له !!!

وفعلا بديت أحس بيأس ان المده طالت وصلت 9 شهور وماصار شفاء .. لكن سبحان الله كان احساسي باليأس هو اخر مرحلة بالعلاج وكان اخر برنامج أعطاني اياه معالجي هو النهاية للعارض ..

العارض وش !! أنا استغربت اسمه بالبداية لكن عرفت انه مسمى يطلق على أي مريض روحي أن اللي فيك اسمه عارض سواء كان مسحور أو ممسوس أو معيون .. يعني عارض مله مو بجسمي مصيرة للزوال باذن الله عشان كذا اسمه عارض

سبحان الله بالبرنامج الاخير .. طلع معي مادة سوداء الله يكرمكم استغربت مدري وش هي يعني أول مره تصير لي من بديت علاج .. بعد ماطلعت هالماده السوداء وكانت كثيررررة كثيرررررة مرررررررره ..

وكان الوقت الصبح قمت لبست ورحت الجامعة وأنا مستغربة من هالشيء .. كنت بعد ماطلع نفسيتي زفت زفت زفت مالي نفس أي شي .. حتى بالقااعة أذكر وحدة تكلمني والله مدري وش تقول تركيزي عدم .. بالذات بعد ماطلع أحس بزيادة

وللمعلومية طول دراستي بالجامعة كنت وحيدة منطوية ع نفسي يعني الدراسة أجر نفسي جر لها وكنت بتركها باول سنة وحلفتني أمي وضاق صدرها وكملت عشانها والله .. كان اليوم يمر ثقيل علي الوحدة شعوور صعب ..

بس أنا كذا مابي الناس كان لي شلة بنات كثيررر وصرت أصرف نفسي عنهم وابعد شوي شوي لحد ماتركتهم مره وحدة وكان يجيني زيادة احراجات منهم زي أنتي ليه دايم حزينة !! أو ليه تحسي اننا مانبغاكي !!

بعد هالكلاممم بكيت بحرقة وتركتهم ... يعني الا يصير شي يعكر علي أي شي .. سبحان الله والحمممدلله على كل حال ..

نرجع للأشياء الغريبة اللي حسيته بعد ماطلع الاسود .. حسيت كأن عيوني كان عليها غشاوه وكذا انسحبت الغشاوة وصارت نظري صافي ماشاء الله !! انبهررت فعلا هذا الشي طول ال 7 سنوات ونص احس فيه أحس عيوني مو صافية الرؤيا

ثاني شي حسيت جسمي صار خفيف زي الريـــشة .. والأحلى صرت أتقبل الصلاة وهالشي حسيته بمنتصف شهور العلاج بالرقية سرت أحس بارتياح بسيط بس وقت ماطلعت هالمادة السوداء وانا صرت اتقبل الصلاة بشكل حلوو وفرحني هالشيء

وطبعا بلغت معالجي عن هالماده السوداء اللي طلعت وبشرني أن هذا يدل على الشفاء .. قريت رده جلست أبكي من كل قلبي وسجدت سجود شكر لربي حبيبي .. والله ماأنسى هذاك اليوم .. كان بتاريخ 1 أو 2 / 12 / 1433 ..

وفعلا بعدها وضعي تغيررر الضيقة اختفت نهائي .. صرت اطلع للناس واروح واجي والاجتماعات ماتأثر فيني ولا تضايقني زي أول .. صرت أتكلم صوتي صار يطلع بدل الصمت اللي ماليني أول ..

صرت أضحك من قلبي .. مو ضحكة مجاملة أو مصطنعة زي أول .. صرت أحس أن صدري خفيف لأن أول أحس كأن جبل على صدري كاتمني كاتمني بقوووة وماقدر أتنفس منه ..

وش أقولكم بس ... وضعي انقلب مررره اعراضي اختفت نفسيتي تحسنت وصرت أحس اني من داخل مستقرة وهادية .. العصبية الزايدة راحت والتوتر مات .. واه وش أقولكم بعد كل شي كل شي تغيررر

ماشاء الله تبارك الله .. نومي صرت أرتاح فيه أكتفي بساعات معقولة وأصحى خلاص .. أكلي أحس بلذه وأنا أكله .. جسمي احسه نشيط .. الدموع اللي تنزل بقووة وبدون سبب راحت .. الحمدلله _ قولو ماشاء الله _

والحمدلله .. طبعا خصلت علاج بالقرية وكان مدته 9 أو 10 شهور .. خلصته وحمدت ربي أن هداني لضالتي وهيئلي الاسباب النافعة .. وريحني من الحيرة والتشتت من وضعي .. الحمدلله الحمدلله ..

نجي للعلاج النفسي .. صار لازم أشوف حل معه .. خفت أستمر وأنا خلاص صرت ماأحتاجه صح هو له فضل بعد ربي وانتشلني من ضياعي وموتي بالبداية .. بس خلاص نفسيا ارتحت والمسبب الاكبر اللي هو المس والحسد وتشافيت منهم الحمدلله .. خلاص لازم أدبر لي حل وأوقف العلاج .. وكان هذا اللي يدور ببالي ..

لي عودة ان شاء الله ..

ماعليش أي خطأ صححوه ههه راحت مهلة التعديل ..

أكمل لكم وقت ثاني بإذن الحي القيوم ..

متابعة قصتك اخت بكرى احلى

بس عندي سؤال لو سمحتي المادة السوداء الي تحكي عنها من فين طلعت ؟

و ياريت لو تقدري تعطينا برنامج الرقية بالتفصيل

و انا في شوق اني اعرف نهاية قصتك

المشاركة الأصلية كتبت بواسطة احسان28

متابعة قصتك اخت بكرى احلى

بس عندي سؤال لو سمحتي المادة السوداء الي تحكي عنها من فين طلعت ؟

و ياريت لو تقدري تعطينا برنامج الرقية بالتفصيل

و انا في شوق اني اعرف نهاية قصتك

شكرآ على متابعتك أختي ..

المادة مثل الاسهال أكرمك الله

برنامج الرقية بذكره بالتكملة ان شاء الله انتظريني

ننتضر التكملة ان شاء الله

متابعووووووووووون

اكملي بالتفصيل الممل ... يبدو ان موضوعك سوف يكون المنقذ لي وللكثيرين بأذن الله