ابيات حكمة لشاعر الراحل محمد الاحمد السديري رحمه الله

ابيات حكمة لشاعر الراحل محمد الاحمد السديري رحمه الله

مع أبيات للشاعر محمد بن احمد بن محمد السديري يقول:



قصر يذلك لا تقابل مبانيه
خله عسى شامخ طويله هدامي

خله عسى ما صاب اغادير يفنيه
يودع منازله الطويله رجامي

لو زان مدخاله وطالت حواميه
شيد على الخيبه قليل الرحامي

وحي يوريك المذله وتغليه
انا اشهد انك ميت القلب عامي

من لا يودك لا توده وترجيه
ارفع مقامك يا عزيز المقامي

ارفع مقامك عن عدوك وتوذيه
ويلحقك من تركة رفيقك ملامي

حق الرفيق وواجبه لا تخليه
يلزمك مثل الوالدين الحشامي

اختر عزيز الجار والحق يعطيه
شبل على هرج يقوله يحامي

ومن قارب الاجرب بالامراض يعديه
عدواه تسطي باللحم والعظامي

درب السلامه بينات مماشيه
ودرب العطب يرث عليك اللكامي



* ومن قصيدة أخرى يقول فيها:


لا خاب ظني بالرفيق الموالي
مالي مشاريه على نايد الناس

لعل قصرٍ ما يجيله اظلالي
ينهد من عالي مبانيه للساس

لا صار ماهو مدهل للرجالي
وملجا لمن هو يشتكي الضيم والباس

بحسناك يا منشي حقوق الخيالي
يا خالق اجناسٍ ويا مفتي اجناس

تجعل مقره دارس العهد بالي
صحصاح دوٍ دارس ما به اوناس

البوم في تالي هدامه يلالي
جزاك يا قصر الخنا وكر الادناس

متى تربع دارنا والمقالي
وتخضر فياض عقب ماهيب يباس

نشوف فيها الديدحان متوالي
مثل الرعاف بخصر مدقوق الألعاس


* ومن رائعة اخرى يقول السديري:


لا تقرب الأجرب بالامراض يعطبك
يصير جسمك مثل جسمه عليلي

ممشا الخطا من صافي العقل يسلبك
ويصير لك يم الرذيله سبيلي

وعن ما رد الانذال نزه مشاربك
واشرب نظيف لو ورادك طويلي

ولياك تنسى يا ابن الاجواد واجبك
واللي يروم المجد حمله ثقيلي

يالادمي وان كان كبرت مصايبك
ازبن على محي البلاد المحيلي

أزبن على رب بعرشه يراقبك
وناجه وبعد العسر يسره جليلي

.................................................. .....

المصدر: نفساني

من أجمل القصـائد التي أحبّهـا ،،

كلماته هذه كانت تربُت على قلبـي جداً وتُريحنـي ؛

انتـقـاؤكِ جميل أيتهـا الفاضلة حنين ،

رافقتكِ السعـادة أينمـا كنتِ.

رحمه الله عليك ياجدي

جميلة الأبيات .. تسلم إيدك ...

هلا فيكم نورتوا .

موضوع اكثر من راائع
يعطيــك العافيه بانتظار جديدك

حياكم الله ........