اكتئاب الحمل اللي يعرف شي عنه يدخل تكفون

اكتئاب الحمل اللي يعرف شي عنه يدخل تكفون

السلام عليكم

اليوم زوجتي قالت بقولك شي خشيته عنك وما قلته لك
قلت وش
قالت قبل شهر جتني ضيقة غريبة اول مرة تجيني بحياتي وتقول انها جلست تبكي بدون سبب وتحس انها ماتبي تشوف احد وماتبي تتكلم مع احد
انا انفجعت بس ما بينت لها خفت يكون اكتئاب الحمل وقلبي عورني عليها
سألتها كم استمر هالشعور قالت يومين
كل هذا وهي معي بنفس الغرفة بس ما حسيت فيها لأني وقتها كنت في عز اكتئابي وكنت ومازلت خاش عنها إني فيني اكتئاب
المهم
طبعاً هي الآن الحمدلله مافيها شي بس استمر يومين مثل ما قلت لكم

ابي استفسر منكم هل هذا معناه بوادر اكتئاب الحمل او وش بالضبط احتاج احد يفسر لي

ملاحظة : زوجتي حامل في الشهر السابع
و ام زوجتي كان عندها اكتئاب ما بعد الولادة
ارجوكم اذا احد عنده نصائح بخصوص هالشي يفيدني

المصدر: نفساني

الله يشفيها وييسر امرها وموركم الموضوع سهل ان شاء الله فترة الحمل ويروح ومو شرط يرجع والحمد لله انه بس يومين يمكن كان عارض لان الحامل بسبب الهرمونات وهذي الامور تحسس من اي شي وعادي جداً اي موقف اي موضوع اي حركة تخليها تكتئب وتبكي طبيعي جداً بس الي عليكم تسوونه انكم تساعدونها وتوقفون معاها لاتحسسونها بالضغوطات والمسؤوليات وخليكم معاها واتوقع انها ماصارحتك الا انها تحتاج وقفتكم معاها الضغوطات هي اكثر شي يسبب الاكتئاب والقلق وكل شي يعني الفترة الجايه تحتاج جهد منها وعشان تخففون عنها هذا الجهد البدني والنفسي وحتى لاسمح الله يزيد من اكتئابها او يرجعلها بشكل اقوى لازم وقفتكم معاها ومساعدتها وبس اتوقع لو انت تصارحها بيكون احسن على الاقل تخففون عن بعض وكل واحد يفهم الثاني ويحس فيه