إلى كل من سوّى ربط من ( الفري - التنسيم ) و الصبخة ؟

إلى كل من سوّى ربط من ( الفري - التنسيم ) و الصبخة ؟

السلام عليكم

اليوم بيسوّي لي واحد ربط لراسي من التنسيم و صبخة و متأمل خير و لكن و بعدين أقولكم عن كلمة و ( لكن )

سوّاه أخوي الصغير و اللي روحوا به :- أبوي جاء من السفر عشانه و أخوي اللي يكبرني سنة عشان تعب أخوي الصغير صار يكلم نفسه و ما هو داري عن نفسه و يبكي و عقله يفوّت في كل شي و حالته الإجتماعية متزوج

السالفة إنهم ثلاثتهم سووها أخوي الصغير و أبوي و اللي أكبر مني بسنة وحدة ، ربط و صبخة و ( لكن ) أخوي الكبير يسولفلي عنه أبوي إنه ( ينكت ) على الشغلة هذي و تصوروا إنه يضحك منها عند الشخص نفسه اللي ربط لهم 😳 ما ادري وش أقول المهم لما قلت لأبوي بسوّيها قال :- أخوك و يقصده الكبير يقول ما استفاد منها و عطانيها بنبرة فيها ضحك ، قلت و أقصد أخوي و ضحكت ما عليك منه قال خلاص بكرة روح و سوّها

سؤال إلى كل من ربط من التنسيم و صبخ راسه كيف حالكم بعد ما سويتوها ؟ و هل تحتاج تكرار مثل الحجامة ؟

المصدر: نفساني

الله ينفع بها

ليش متخوّف إنها ما تنفع لأن أخوي الصغير صار ياكل مضاد إكتئاب ( ديبرالكس ) و أول مرة ياكل حبوب نفسية و أول مرة يدخل عيادة نفسية في حياته

المهم تحسّن كثير و خوفي يكون متحسن من ديبرالكس مو من الربط من التنسيم 😳

الطب الشعبي عموما خرافة لأن لايوجد له كتب يمكن اختبارها وتجربتها والتحقق منها ، طيب ليش ماله كتب لأنهم جبناء لو وضع كتاب لتم فحصه التدقيق عليه والتأكد من سلامته طبعا بيجيك بهيمة اجهل من حمار اهله يقولك أصلا شركات الأدوية ومؤامرة وهالخرا الفاضي لانه كل دواء له مدة معينة والشركة اللي اكتشفته يسحب من الاحتكار وكل شركات الأدوية تسوي مثله حتى المحلية الدوائية وتبوك وغيرها

وعل الثلج معجب بهذا

ثاني شيء الأشعة تبين الجرح والورم الصغير تبيها ماتبين تنسيم !! تنسيم مين والعالم نايمين هو الرأس فيه هوا أصلا عشان ينسم !! كل أحشاء ودم وانسجة دماغ وعظام وين الهواء ووين اهله

وعل الثلج معجب بهذا

المشاركة الأصلية كتبت بواسطة زورندا

الطب الشعبي عموما خرافة لأن لايوجد له كتب يمكن اختبارها وتجربتها والتحقق منها ، طيب ليش ماله كتب لأنهم جبناء لو وضع كتاب لتم فحصه التدقيق عليه والتأكد من سلامته طبعا بيجيك بهيمة اجهل من حمار اهله يقولك أصلا شركات الأدوية ومؤامرة وهالخرا الفاضي لانه كل دواء له مدة معينة والشركة اللي اكتشفته يسحب من الاحتكار وكل شركات الأدوية تسوي مثله حتى المحلية الدوائية وتبوك وغيرها

هلا زورندا حياك الله

الّي فيه أساسا إصابات روحية فالأدويه العصبية تهديه هذا عين اليقين و من ينكر ذلك فليرجع لموضوعي و يتضح له كل شيء و من ينكر فائدتها و حجتهم المؤامرة و غيرها و هو يدّعي عيشه بالعذاب فلم يذق صراحة مرارة الألم ، ألم عن ألم بينهم الفرق الكبير

https://www.nafsany.cc/vb/showthread.php?t=142133

و لن أقول النفسية لأن النفس بوابة الخير و الشر و لم يخلق هذا و لا يملكه إلا الرب جل و علا ، أكتب في قوقل سيمغوند فرويد و بيطلع لك أولا أنه طبيب أعصاب و إلّي يفك المخ يزعمون أنهم يملكون مفاتيح الخير و الشر بإقتران مسمى طبيب الأعصاب بعلم النفس ، تأمل الإشتقاق هذا 👈🏻 عصابي و ذهاني أو عصابي و عقلي عندها يتم إزالة مسمى عالم نفس و طبيب نفس و أدوية نفسية 😇 الأمر ليس معقدا إلى حد الجنون لكن فعلا إنها ألعوبة اللعب في المفردات و إصطلاحاتها و أعتقد لم يكتشفها إلا أنا 😂

طيب خلصنا بس بغيت أقول شيء إنها عيشتني في كمين و لن أكمل و شخص عن شخص يفرق و الحظ له دور أما أنا ماني بقايل إلا الله يزينها
.

الطب الشعبي ليس كله دجل فالكي يعتبر طب شعبي من قديم الأزل و هو ناجع و دواء لكن صار يستخدمونه الدجالين في هذا الزمن و كلامك أقنعني عن التنسيم ، حيرتني وش عاد وش عاد . يلا ندور القشة اللي بعدها تنقذنا من غرقنا ، الله يعين •

المشاركة الأصلية كتبت بواسطة زورندا

ثاني شيء الأشعة تبين الجرح والورم الصغير تبيها ماتبين تنسيم !! تنسيم مين والعالم نايمين هو الرأس فيه هوا أصلا عشان ينسم !! كل أحشاء ودم وانسجة دماغ وعظام وين الهواء ووين اهله

لازم الأكسجين يتسلل إلى جميع أعضاء و أجزاء الجسم و منها المخ و الدم و العظام و الروح و شوف الّي غرقوا في البحر ليش يموتون لأن ما فيه هواء و ينقطع نسمهم . محتار و الله يا زورندا شكله فيه تنسيم ، مشكلة ما أقول إلا الله يعافينا و يكفينا عن الدجل و الوهم .

يا وعل الثلج
اتركك من المسمى تنسيم او غيره الاهم هل الطريقة ناجحة ؟
خذها مني الصبخة انا اول مرة جربتها كانت لمدة ثلاثة ايام احطها بالليل افكها الصباح
اصابني تعب جسدي كبير كاني شايل عمارة حين وضعتها
و كل يوم كنت اقوم من النوم بانشراح في الصدر و صفاء في العقل و الوساوس منزاحة ولله الحمد و شيء جميل جدا
لكن بسبب حوستها ما قدرت اكمل للاسف لانها جدا حوسة
و ما تنفع مع البرد لانها بتصير باردة وتبرد دماغك و يلتهب حلقك غالبا

طبعا حاولت اجربها عدة مرات بعد تلك المرة و لم تعطيني نفس النتيجة ما عرفت اضبطها بنفس الطريقة اصلا

والامر امر الله الحمدلله هذه للفايدة فقط لاني شفتك متردد حبيت انبهك

وعل الثلج معجب بهذا

و الله حوسة الصبخة

طيب ما جربت الربط ؟

و شكرا على المعلومات المفيدة

لا الربط ما جربته
غير مقتنع فيه

(وليس اقتناعي دليل صحة الشيء من عدمه)
لعله يضبط معك لكن ما اعرف احد يسويه اصلا

وعل الثلج معجب بهذا

المشاركة الأصلية كتبت بواسطة ناصح آمين

لا الربط ما جربته
غير مقتنع فيه

(وليس اقتناعي دليل صحة الشيء من عدمه)
لعله يضبط معك لكن ما اعرف احد يسويه اصلا

شكرا لك

الله لايعيدها سويتها عند عجوز عندنا في الكويت معروفه بالصبخه وقالت لي معك مدري كم اصبع لازم صبخه وماتفكها ابد ثلاث ايام والرابع الصبح فكها وحطت على راسي ادويه والله مدري شنو الاكيد ثلاث ايام معاناة صكني صداع ماهو طبيعي وتحملته فكيته بعد ثلاث ايام ولا حسيت في شي رحت لها مره ثانيه وقاست وقالت بعد لازم وحده ثانيه .. قلت بيني وبين نفسي كمل معاها والصبخه الثانيه يوم ربطت علمتها بالصداع الاقشر قالت خفف الربطه شي بسيط بس
المهم ثلاث ايام كامله وفكيته وكنك يابوزيد ماغزيت ... ماستفدت ولاشي غير التعب والريحه من الادويه وعصبة الراس القشره بس اون بالفراش
ومن عقبها ماجربتها ابد ومستحيل اجربها ( اكلمك عن تجربتي )

وعل الثلج معجب بهذا

أها إذاً تجارة كذبية و لعب على الدقون

تم إلغاءها من راسي و سأحذر منها

مشكور يا البارق على سرد قصتك بيض الله وجهك

الباررررق معجب بهذا