طلب كتب مرئيات أو صوتيات للعلاج السلوكي للهلع

طلب كتب مرئيات أو صوتيات للعلاج السلوكي للهلع

هل في على النت سواء كتاب مرئيات أو صوتيات للعلاج السلوكي للتخلص من نوبات الهلع بارك الله فيكم

المصدر: نفساني

للرفع ومن كان عنده أي ارشاد فليكرمنا به بارك الله فيكم

اخى ربنا يشفيك ويشفينا جميعا انا كان معى نوبات هلع الحمدلله قدرت اتخلص من جزء كبير منها بفضل الله واستعنتى بيه احب افيدك بيها

1- القرب من ربنا ولله خير علاج وثقتك بالله لازم تكون كبيرة احسن الظن بالله وربنا هيقف معاك الصلاه باوقاتها والاذكار والتزم الرقية الشرعية لها مفعول واضح الحمدلله والدعاء والاستغفار والصدقة ولله انها حاجات سهله وليها مفعول كبير وتوكل على الله واستمد قوتك منه وربنا هيقف معاك

2- تعودت على الاعراض وبطلت اخاف منها وقلت كل مرة بتجينى وبتروح مابيحصلى شئ بدت كل مره تخف عن المره الى قبلها لحد مابدت اعراض تختفى زى دقات القلب والرعشة والدوخة والتنميل يمكن الغصة تجى وتروح وجفاف الحلق الحمدلله قل كتير

3- الطناش مابقتش افكر امتى تجينى الاعراض تانى وان جانى اى عرض اشغل نفسى باى شئ اقرء سورة قرانية حفظاها فى سرى اقوم اكلم اختى اتمشى بالبيت واقلب فى التى فى او افتح الانترنت اكلم حد من اصحابى واحاول بقدر الامكان اشغل نفسى عن التفكير فى الاعراض

4- بدأت اغير افكارى اى فكرة سلبية تجينى اقول فى نفسى ليه مافكرش بايجابية ابدء افكر فى شئ حلو بحبه او شئ نفسى اعمله بالاول كان صعب جدا عليا اعمل كدا مرة فى مرة اتغير الامر بقى كل مرة اقوى اكتر من اول انا فعلا ماشفيت تماما بس الحمدلله الهلع قل ووسواس الموت ابتدء يقل بفضل الله بس باقى افكار بتجينى بحاول اطنشها عشان مارجعش زى الاول وكمان الفكرة الى بتلح عليا بجى لاخواتى فى المنتدى اناقشهم واطمن شويه واقدر اغير الفكره واتغلب عليها

5- ابتديت اتعلم لعبة جديدة عشان تاخد من وقتى بقرء شويه اكتر من اول بحب اشارك مع الناس اكتر قربت من عائلتى اكتر عشان ماخليش فرصه عندى فيها فراغ لان الفراغ بيدخل المرض ويقويه والعكس صحيح

6- فكر فى مستقبلك فى حياتك انسى الخوف بقدر الامكان هيكون صعب فى الاول بس ولله الله وانت وبس الى يقدروا يخرجوك من محنتك مهما سمعت من كلام للناس ومهما الناس وقفت معاك بيكون كلامهم مسكن وبس لكن الى يقدر يغير منك هو الله وكرمه عليك وانت وبس استعن بالله وقوى نفسك وماضيعش حياتك فى خوف خلى عندك امل فى الحياه ولاتخاف بعرف ان الخوف بيكون لاارادى بس زى ماعودت نفسك تخاف عود نفسك تطمن وتبقى زى الاول

املى بالله غير فيا كتير واملك بالله هيغير فيك كتير انسى المرض ينساك وربنا رؤوف رحيم وهو الشافى يشفينا جميعا ويهون علينا فعلا اصعب الالام الم النفس لكنه مجرد افكار بالسيطره عليها بتنتهى ربنا معانا جميعا

الله يجزيك كل خير على هذه النصائح الطيبة انا والله كثير بحاول أتخلص من الامور دي أتمنى الشفاء من عند ربنا فهو الرحيم بنا والقادر على ان ينزل الفرج من عنده انا احاول أعمل الي قلت عليه وما تنسانا من دعائك
نسأل الله أن يتم لك الشفاء

المشاركة الأصلية كتبت بواسطة الأمان

الله يجزيك كل خير على هذه النصائح الطيبة انا والله كثير بحاول أتخلص من الامور دي أتمنى الشفاء من عند ربنا فهو الرحيم بنا والقادر على ان ينزل الفرج من عنده انا احاول أعمل الي قلت عليه وما تنسانا من دعائك
نسأل الله أن يتم لك الشفاء

اللهم امين يااخى يسعدنا ويشفينا جميعا وان شاء الله هتشوف العافية قريبا ولكن بشوية ارادة وقوة شخصية وثقة بالشفاء وربنا يعجل بشفاءنا جميعا ولو لقيت اى شئ يفيدك ويفيد اخوتى هنا مابقصر لانهم وقفو معايا جدا وربنا يجازى الجميع الخير

بارك الله فيك فالحديث مع ناس مروا بمثل تجربتك يخفف من الوطأة وان شاء الله بالتعاون و تبادل الاراء والافكار يشفى الجميع باذن الله

اهلا وسهلا بك , باذن الله يفيدونك الاعضاء والعضوات هنا

امين يا رب بارك الله فيك على المرور