ازهري وراقي .. ساعدني في حكم صلتي للارحام ..

ازهري وراقي .. ساعدني في حكم صلتي للارحام ..

السلاام عليكم ورحمة الله ..

كيف حالك اخي ازهري ..

رجاءا اخي بتكلم بلهجتي العامية حتى اوصل المعلومة باكمل وجه ..

انا واهلي سنة مع ان اهلي تاركين للصلاة وانا وحدي ملتزم في البيت و اهل امي واهل ابوي يعني اعمامي وخوالي شيعة .. من طرف اعمامي علاقتي انا شخصيا فيهم زينة وازورهم من فترة لي فترة حتى لا اكون قاطع رحم ..

اما عن اخوالي فأليك القصة و أرجو ان تساعدني ..

اولا خوالي كلهم مسافرين يعيشون في دول اوروبا و ينجبون في دول اوروبا وما اشوفهم الا بالمناسبات البعيدة كل سنتين وثلاث ف علاقتي فيهم صعبة وماقدر اتواصل معهم بحكم سفرهم وبحكم المشاكل .. واليك المشكلة ..

خالاتي وجدتي عايشين في الكويت و قبل سنتين توفي جدي " ابوهم " و صارت مشاحنات بينهم وبين امي على الارث ومشاكل وصلة لدرجة الطرد والضرب و الشتائم بالعرض و القذف والتعدي اعوذ بالله .. و بعدها امي قاطعتهم و اصرت علي اني اقاطعهم وما اصلهم مهما حصل ولا اقترب منهم وحتى لو شفتهم في الشارع ما اسلم عليهم .. عدت الايام حتى وصل رمضان و بعدها خالتي دقت وتصالحنا انا وامي وخالتي وخالتي الثانية كانت في السعودية تدرس طب و بعدها رجعت و علاقتنا حلوة و كنت ازورهم و احب خالتي اللي كانت بالسعودية بالذات .. بعدها بفترة صارت مشاحنة بين خالتي وامي و صارت مشكلة كبيرة جدآ عشان الفلوس و وصلت لمرحلة السب والقذف والشتائم مرة اخرى .. و صارت امي تبكي في البيت وتقول اللي يروح لهم او يزورهم من غيرهم لي كبيرهم انا متبرية منه ولا اهو ولدي ولا انا اعرفه .. و نفس الكلام قاله لي ابي .. و قطعتهم وانا مجبور على هالشي لان لو زرت ولو حتى تكلمت مكالمة بالتلفون اهلي راح يعرفون وراح تصيرلي مشاكل .. بالامس جدتي دخلت العناية المركزة و طلبت مني امي اروحلها وقالت لانها على مايقولون انها قاربت للموت وحالتها جدآ تعبانه .. الله اعلم .. ورحنا وزرنا انا واختي واخوي الصغير و زوج اختي وهناك كانت خالتي الزعلانه موجودة وشافتني وماسلمت علي ولا سلمت عليها وبعدها انا قلت حق جدتي وهي جدتي ماتتكلم مخدره قلت لها لاتفكرين في احد ولا تهتمين لاحد ماحد يسوى يضايقك .. فقامت خالتي وصارخت علي شنو تقصد انت اكيد تقصدني ومن هالكلام بصراخ وصرت انا اقولها لاتتدخلين مو كلما زرنا جدتنا طردتينا مع العلم ان لما زارت امي جدتي طردتها من المستشفى وبعدها وللاسف صار بيني وبين خالتي كلام كبير وصراخ حتى وصلت بيننا للضرب الخفيف هي دزتني لاني كنت بطلع و انا دزيتها بقوة و طلعت و رجنا البيت وامي عرفت بالموضوع وكلمت ابوي وابوي كلم خالي عشان يكلم خالتي و كبر الموضوع .. كلمت امي اليوم وقلت لها انا ماقدر اسوي هالشي الله مايقبل عمل قاطع رحم واخاف عملي يحبط ابي اتواصل مع خالاتي ولو حتى بالتلفون انا خايف من ان لايقبل عملي و اطرد من رحمة الله و اصرت امي على المقاطعة وقالت لي انت تبي رضاك وله رضاهم لو تبي رضاهم روحلهم لو تبي رضاي خلك هني واسمع كلامي وطيعني وانا قلت لها انا ابي رضى الله وقالت لي الله لو بيحاسبك ماراح يحاسبك انا بتحاسب بدالك وانا بتعاقب بدالك بس انت ماتروح ولا تقرب منهم قلت لها يمه ولو حتى بالتلفون قالت ولو حتى بالتلفون ولاتفتح علينا ابواب مسكرة وصارت اهيه واختي ضدي و مستحيلين علي اني اروح ازور ولو حتى بالتلفون وقالت لي لو تبي تزور عماتك كيفك لانهم مو راعيات مشاكل " كانت تمنعني قبل " بس خالاتك ماتزورهم ولا تقرب منهم ولو مات جدتك تقول حق الناس انها سافرت برة للعلاج وحتى العزاء ماتروح وتنسى ان عندك خالات ..

شسوي ؟؟ عملي مو مقبول عند الله سبحانه وتعالى واذا صلاتي وطاعتي لله تحبط وصلواتي لن تقبل شسوي شنو ابي من الدنيا خلاص تعبت والله ماني عارف انام من امس ولاني عارف اسوي شي واستحالة اتكلم في الموضوع مرة ثانية مع امي لانها ماتتقبل اي كلام ولا اي نصيحة وجدا متسلطة وعصبية وماعندها مشكلة تتبرى مني وتقاطعني .. شسوي خايف العن وادخل النار وعملي لن يقبل والله ماني عارف شسوي هل علي شي على كل هذا الاكراه هل لن يقبل عملي شسوي علموني

المصدر: نفساني

انت عليك بصلة الرحم

ولا تهتم بما تقوله والدتك لانه فى كلامها قطيعة رحم ولا طاعة لمخلوق فى معصية الخالق

ولكن عندما تصلهم لا تخبر والدتكم بذلك

وان طردوك كما تقول فعلى من يطردك الوزر والاثم وانت تكون خرجت من الهجرة

والاهل والاقارب يحتاجون منا ومنك الصبر (ان الذى يخلط الناس ويصبر على اذاهم خير من الذي لا يخالط الناس ولا يصبر على اذاهم) ...........الحديث

ومن كلامك انت تقي وفهمانومتعلم واولئك الذين يطردونك ويطردون امك جهلة فادعو لهم بالهداية