روائح غريبة وخانقه

روائح غريبة وخانقه

السلام عليكم ورحمه الله وبركاته
كيفكم جميعا

ليا فتره بأشم ريحه تجي فجأه في انفي وفمي واحسها تكتمني ما اقدر اخذ نفسي وكأني اخذ ثاني اكسيد الكربون بدل الاوكسجين

فكرت قلت يمكن من المعده مع الصيام لاننا نصوم 19 ساعه بس المشكله ما تطول وكانت موجوده عندي من زمان لكن هذي الفتره صارت اقوى ومزعجه اكثر

لو في احد زيي ياليت يوضحلي العله فين

المصدر: نفساني

انا كنت اشم ريحه في بيتي يعني مو من انفي او فمي ﻻ بالمكان اللي حولي اشم ريحه مو زينه مع اني حريصه على نظافة اطفالي وبيتي وسالت شيخ قال هذا بسبب المرض الروحي الي فيك بصراحه استغربت

عادي كد مرت علي وسببها القلق عادي لاتدققون بكل شي

حتى جتني فتره اشم ريحه غريبه مااهي كريهه بس غريبه ومزعجه

نعمه أنا فكرت كذا بس هذي المده زايده مدري ليش

اخ رعد أنا احاول ما اعطيها اي اهتمام وهي كانت موجوده عندي من زمان لكن هذي الفتره بدات تقوى وتخنقني علشان كذا قلت اسأل يمكن يكون السبب قله الاكل او شيء زي كذا

ام شجوعي صادقه مو كريهه لكن مزعجه وتقهرني ااجلس اشم الاشياء جمبي اقول يمكن الريحه طالعه منها

الله يعطيكم العافيه على ردودكم :)

مسا الخير ام لبنتين

بتحصل اختي ،، عادي لا تكبريها و تدوري وراها ،، بيكون من اثر الصيام و التعب ،،

المرة الجاية قومي غيري مكان ،، اخرجي شوي حتى ما تشعري بالخنقة ،، و تمر ان شاء الله ،،

و الف سلامة عليك

أنا كمان قلت يمكن مع طول مده الصيام
ان شالله مافي الا كل خير
الله يعطيكي العافيه اموله

السلام عليكم ..
أختي الكريمه ..إذا ماكانت مستمره معاك علىطول
هذا شي عادي أمأ إذاكأنت مستمره معاك .
يمكن يكون هناك .. التهاب في الجيوب لانفيه.
فيلزمك الفحص .. أكرر كلامي إذا كانت مستمره
تحياتي لك

اخوي المصاب معليش ايش يعني مستمره يعني على طول مع كل نفس ؟ ولا قصدك تروح وتجي ؟
أنا عندي مستمره لكن تروح فتره وترجع في نفس اليوم
واعتقد عندي مشاكل في الجيوب الانفيه لانه على طول مزكمه او عندي احتقان فيهم
الله يعطيك العافيه على الرد

أختي الكريمه أم لبنتين ..
كيف حألك أن شاء الله بأحسن حال
قصدي مستمره يعني تجي وتروح بأستمرار
أما إذاكانت تجي في الشهر مره مثلاً فهذا عادي
وأنتي تقولين معها زكام ..
{أنصحك وبشده أن تفحصي الجيوب الانفيه}
تحياتي لك

الحمد لله اخوي المصاب لما خف الزكام شوي خفت الرائحه
اول مره اعرف انه السبب من الزكام. والجيوب الانفيه
الله يعطيك العافيه

الهلاوس الشمية لها عدة اسباب من ضمنها احتمال وجود التهاب في الجيوب الانفية او صرع الفص الصدغي او فصام عقلي او اكتئاب ذهاني او وجود قرحة في المعدة والمريء او الرئة او التهاب فيها

وهي حالة عادية غير خطيرة لاني اشم روائح غير موجودة تقريبا من 10 سنوات بسبب اصابتي بنوبة صرع جزئية تسبب لي هلوسة شمية غير موجودة ولا استخدم لها اي علاج وهي غير مؤثرة على الحياة
صح انها اول ماجاتني خفت خوف شديد ولكن مع الزمن صرت عادي ما اخاف منها

انا متاكدة ان عندك الجيوب الانفية روحي بترتاحين
شفت حالة مثلك تماما

اخوي الحكيم الفاضل معليش ممكن تقولي ايش يعني صرع جزئه ؟
لانه أنا ان شالله ناويه اروح لدكتور عيون لانه عندي ازدواجيه في الرؤيه للاشياء المتحركه يوميا معايا وحاسه انه المشكله مو نفسيه يا شيء في الدماغ بعيد الشر او في العين
اما الروائح أنا من زمان عندي لكن زادت هذي الفتره بشكل مزعج وصح اول ما جاتني كنت اخاف منها بس دحين عادي صارت
والله يعطيك العافيه

انشودة المطر اعتقد لها علاقه بالجيوب الانفيه لانه لما خفت الزكمه خفت الروائح
الله يعطيكي العافيه يارب

المشاركة الأصلية كتبت بواسطة الحكيم الفاضل

الهلاوس الشمية لها عدة اسباب من ضمنها احتمال وجود التهاب في الجيوب الانفية او صرع الفص الصدغي او فصام عقلي او اكتئاب ذهاني او وجود قرحة في المعدة والمريء او الرئة او التهاب فيها

وهي حالة عادية غير خطيرة لاني اشم روائح غير موجودة تقريبا من 10 سنوات بسبب اصابتي بنوبة صرع جزئية تسبب لي هلوسة شمية غير موجودة ولا استخدم لها اي علاج وهي غير مؤثرة على الحياة
صح انها اول ماجاتني خفت خوف شديد ولكن مع الزمن صرت عادي ما اخاف منها

اخوي انا زيك اشم زي ريحه الغبار او دم ومعي صرع جزئي واخذ لامكتال بس او ماكان فيني من خذيت الامكتال بعد 8 شهور اتاني رائحه غريبه ونبضات بالقلب